राष्ट्रिय प्रत्यारोपण केन्द्रमा कार्यरत डा.दिपेश श्रेष्ठ पुरस्कृत
हेल्थपाटी - बैशाख ११, २०८१ १६:५८ मा प्रकाशित
अ +
अ -
भक्तपुरस्थित शहीद धर्मभक्त राष्ट्रिय प्रत्यारोपण केन्द्र स्थपनाको १२ वर्ष पुगेको छ। केन्द्रले मंगलबार विशेष समारोह आयोजना गरी वार्षिक उत्सव कार्यक्रम मनाएको छ।
वार्षिक उत्सवका अवसरमा केन्द्रमा कार्यरत डा.दिपेश श्रेष्ठलाई उत्कृष्ट कर्मचारीको पुरस्कार प्रदान गरिएको छ।
सर्जन डा.श्रेष्ठ युरोलोजी तथा प्रत्यारोपण विभागमा कार्यरत हुनुहुन्छ। केन्द्रले दिएको जानकारी अनुसार स्थापनाको केही समयपछि २०७० सालदेखि उहाँले राष्ट्रिय प्रत्यारोपण केन्द्रमा सेवा दिइरहनुभएको छ।
अहिलेसम्म केन्द्रमा गरिएका मिर्गौला प्रत्यारोपण, कलेजो प्रत्यारोपणमा डा.श्रेष्ठको अहम भूमिका छ। साथै उहाँले मस्तिष्क मृत्युपछि अंगदान गरी भएको प्रत्यारोपणमा पनि भूमिका निर्वाह गर्नुभएको केन्द्रले जानकारी दिएको छ।
श्रेष्ठलाई वार्षिक उत्सव समारोहमा उपस्थित अथितिहरूले सम्मान तथा पुरस्कार प्रदान गर्नुभएको थियो।
तपाईँको अभिमत