काठमाडौंका यी स्थानमा धेरै संक्रमित, भोलिदेखि टोल–टोलमा परीक्षण गरिने
दिनको १ हजार जनाको परीक्षण गर्ने
काठमाडौं । समुदायमा संक्रमणको अवस्था बुझ्न सरकारले उपत्यकाकाे टोल–टोलमा कोरोना परीक्षण गर्ने भएको छ ।
ईपिडिमियोलोजी तथा रोग नियन्त्रण महाशाखाका प्रमुख डा. कृष्ण पौडेलले स्थानिय निकायको सहकार्यमा काठमाडौं उपत्यकाका टोल–टोलमा पुगी भोलिदेखि कोरोना परीक्षण गर्न लागेको जानकारी दिनुभयो ।
उहाँले एन्टीजेन मार्फत घनावस्ती तथा धेरै संक्रमित भएका टोलहरुमा स्वास्थ्यकर्मी पुगी दिनको १ हजार जनाको कोरोना परीक्षण गरिने बताउनुभयो ।
उहाँका अनुसार काठमाडौं महानगरपालीकाकाे सहकार्यमा धेरै संक्रमित भएका असन, डिल्लीबजार न्यूरोग, वालुवाटार, कोटेश्वर तथा भक्तपुरको भक्तपुर दरबार स्क्वायर, ललितपुरको पाटन दरबार स्क्वायर लगायतका स्थानमा महानगरपालीकाकाे सहकार्यमा एन्टीजेन परीक्षण गरिने छ ।
समुदायमा संक्रमणको अवस्था वुझ्न समूह – समूहमा कोरोना परीक्षण गर्न लागेको उहाँले बताउनुभयाे ।
काठमाडौं उपत्यकाकाे संक्रमणको अवस्था फाेटाेमा गाढ राताे धेरै संक्रमित, फिक्का राताे कम संक्रमित
तपाईँको अभिमत