खोप लगाउन खटिएका स्वास्थ्यकर्मीमाथि कुटपिट, जनप्रतिनिधिले च्याते फाइल
फाइल फोटो
हेल्थपाटी - आश्विन १५, २०७८ ०८:०२ मा प्रकाशित
अ +
अ -
खोप लगाउने विषयमा काभ्रे जिल्लामा एक स्वास्थ्यकर्मीमाथि कुटपिट भएको छ । भुम्लु गाउँपालिका–१० स्थित दोलालघाट स्वास्थ्य एकाइका अहेब हितेशकुमार मण्डलमाथि कुटपिट भएको हो ।
बुधबार भुल्लु वडानम्बर ८ मा रहेको दुलालेश्वर माध्यमिक विद्यालयमा खोप लगाइरहेको अवस्थामा मण्डलमाथि कुटपिट भएको गाउँपालिका कार्यालयले जनाएको छ ।
गाउँपालिकाका प्रशासकीय अधिकृत ढाकाराम अर्यालका अनुसार स्थानीय अनिल पोटले अहेब मण्डलमाथि कुटपिट गर्नुकासाथै अन्य स्वास्थ्यकर्मीलाई गालीगलौज गरेका थिए । खोप भ्याक्सिन फ्याँकीदिन्छु भन्दै धम्क्याएका थिए ।
साथै वडा सदस्य मनोज श्रेष्ठले खोप लगाउन अवरोध गर्दै खोपको रेकर्ड फाइल समेत च्यातेको गाउँपालिकाले जानकारी दिएको छ । अहेब मण्डलका अनुसार वडा सदस्य श्रेष्ठले लक्षित समूह भन्दा बाहेकका व्यक्तिलाई खोप लगाउन दवाव दिएका थिए ।
मण्डलले आफूमाथि हातपात भएको भन्दै गाउँपालिका कार्यालयमा निवेदन दिएपछि गाउँपालिकाले श्रेष्ठ र पोटलाई कारबाही कारबाहीको माग गर्दै जिल्ला प्रशासन कार्यालयमा निवेदन दिएको छ ।
तपाईँको अभिमत