मास्क नलगाउँदा ३ वटा देशमा कोरोना संक्रमण ७० प्रतिशतले वृद्धि

काठमाडौं । कोरोना महामारीको पहिलो र दोस्रो लहरमा मानिसहरुले मास्क लगाउन जोड दिए । राष्ट्रिय अन्तराष्ट्रिय डाक्टरको साथै विश्व स्वास्थ्य संगठनका प्रमुखलेसमेत मास्क कोरोनाबाट जोगाउने बलियो हतियारको रुपमा माने । 

तिन देशका मानिसले मास्कको प्रयोग गर्न कम गरे । मास्क नलगाएको ५ दिनमै संक्रमण ७० प्रतिशतले बढ्यो । ती देशहरु इजरायल, जर्मनी र अष्ट्रेलिया हुन् । 
इजरायल
इजरायलमा कोरोनाको पहिलो लहरमा सेप्टेम्बर २३ मा संक्रमण उच्च बिन्दुमा पुगेको थियो । सो दिन त्यहाँ ११ हजार ३१६ जनालाई संक्रमण पुष्टि भएको थियो । त्यसपछि २०२१ को जनवरी २० मा दोस्रो लहर उच्च बिन्दुमा पुग्यो, सो दिन १० हजार २१३ जनामा पोजेटिभ देखिएको थियो । इजरायलमा २०२० को १९ डिसेम्बरबाट कोरोना विरुद्धको खोप अभियान सुरु हुँदा दिनमा २५ सयको हाराहारीमा केस देखिएको थियो । खोप अभियान सुरु भएपछि नयाँ संक्रमितको संख्या पनि घट्दै गयो । 

२०२० को अप्रिल १८ मा इजरायलमा अनिवार्य मास्क प्रयोगको नियमलाई हटाइयो । त्यसको भोलिपल्ट देखिनै त्यहाँ केस बढ्न थाल्यो । केस बढ्न थालेको १० दिनपछि सरकारले फेरि मास्कलाई अनिवार्य गर्यो । इजरायलमा हालसम्म ८ लाख ४० हजारभन्दा बढीलाई संक्रमण पुष्टि भएको छ भने ६ हजारभन्दा बढीको मृत्यु भएको छ । 
अष्ट्रेलिया
अष्ट्रेलियायामा कोरोनाको पहिलो लहरमा २०२० को २२ मार्चमा संक्रमण उच्च हुँदा ५३७ जनालाई संक्रमण पुष्टि भयो । २०२१ को जुलाई ३० मा दोस्रो लहर उचाइमा पुग्यो सो दिन ७२१ जनालाई पोजेटिभ देखियो । २०२१ को फ्रेवुअरी २२ मा कोरोना खोप लगाउन सुरु हुँदा दैनिक १० जनालाई संक्रमण देखिरहेको थियो । २०२० को सेप्टेम्वरदेखि प्रतिदिन ५० भन्दा कम केस देखिएको थियो । केस कम देखियो भनेपछि अष्ट्रेलियामा स्वास्थ्य मापदण्डको पालना गर्न कम गर्दै गए । यसको परिणामस्वरुप डिसेम्बरबाट केस बढ्न थाल्यो र सरकारले मास्क प्रयोगलाई फेरि अनिवार्य गर्यो । अष्ट्रेलियामा 
जर्मनी
जर्मनीमा कोरोनाको पहिलो लहरमा २०२० को १८ डिसेम्बरमा संक्रमण पिकमा पुग्यो । त्यतिबेला एकदिनमा ३१ हजार ५५३ जनालाई संक्रमण पुष्टि भएको थियो । २०२१ को १४ अप्रिलमा दोस्रो लहरको उचाइमा पुग्यो । २०२० को २७ डिसेम्बरदेखि जर्मनीमा खोप लगाउन सुरु गरिएको थियो । 

जर्मनीका करीब आधा जनसंख्याले कोरोना अन्त्यभएपछि पनि मास्क लगाउन चाहेका छन् । एक अध्ययनले जर्मनीका ४५ प्रतिशत जनसंख्याले मास्क लगाउन चाहेको देखाएको छ  । दैनिक भास्करबाट साभार ।