ट्रमा सेन्टरमा ‘ट्रमा एन्ड इन्जुरी लाइफ सपोर्ट’ तालिम सुरु
हेल्थपाटी - जेष्ठ १४, २०८२ २१:४५ मा प्रकाशित
अ +
अ -
राष्ट्रिय ट्रमा सेन्टरमा ‘ट्रमा एन्ड इन्जुरी लाइफ सपोर्ट’ तालिम सुरु गरेको छ । अस्पतालले पाइलट प्रोजेक्टका रूपमा तालिम सुरु गरेको हो ।
तालिमको उद्घाटन गर्नुहुँदै स्वास्थ्य तथा जनसंख्या मन्त्री प्रदीप पौडेलले व्यवसायिक क्षमता अभिवृद्धिका लागि नियमित तालिमको आवश्यक पर्ने बताउनुभयो । ट्रमा केयर तालिमले गुणस्तरीय स्वास्थ्य सेवामा सहयोग पुग्ने उहाँले बताउनुभयो ।
पहिलो चरणको तालिममा २४ जना सहभागी छन् । राष्ट्रिय तालिम केन्द्रको सहयोगमा सेन्टरले तालिम थालेको हो । विस्तारै क्यालेन्डर प्रोगामका रुपमा राखिने अस्पतालका प्रमुख मेसु डा. बद्री रिजालले बताउनुभयो ।
चिकित्सा विज्ञान राष्ट्रिय प्रतिष्ठानका उपकुलपति डा भुपेन्द्र बस्नेतले तालिमले चिकित्सकको सीप विकासमा भूमिका खेल्ने बताउनुभयो ।
तालिममा चोट लागेपछि अस्पताल पुग्नुपहिले र उपचारपछिको हेरचाहबारे सिकाइनेछ । तालिममा कतिपय कुरा पुराना लागेपनि केही नयाँ कुरा पनि अपडेट गराउने तालिम केन्द्रका निमित्त निर्देशक डा. माधव लम्सालले बताउनुभयो ।
तपाईँको अभिमत