शनिबार एभरेष्ट अस्पतालमा निःशुल्क स्वास्थ्य शिविर, ५०० पिन्ट रगत जम्मा गर्ने लक्ष्य
हेल्थपाटी - आषाढ २०, २०८१ १३:५७ मा प्रकाशित
अ +
अ -
काठमाडौंको बानेश्वरमा रहेको एभरेष्ट अस्पतालले बृहत स्वास्थ्य शिविर आयोजना गर्ने भएको छ। यही असार २२ गते शनिबार अस्पताल परिसरमै बृहत रक्तदान कार्यक्रम र निशुल्क स्वास्थ्य शिविर आयोजना गर्न लागिएको हो। आज पत्रकार सम्मेलन गरी अस्पतालले यसबारे जानकारी दिएको छ।
उक्त दिन ब्लड बैंक स्थापना, हेमोडायलासिस सेवा, दन्त विभाग, नेत्र विभाग र एनआइसीयू सेवा प्रारम्भ र स्थापना हुने अस्पतालका निर्देशक तथा प्रशासनिक प्रमुख दीपकचन्द्र बरालले जानकारी दिए।
बरालका अनुसार उक्त दिन ५०० युनिट रगत संकलन गर्ने लक्ष्य राखिएको छ। आँखा दाँत निशुल्क परीक्षण हुनेछ। मिर्गाैला, सुगर, युरिया, क्रियाटिनन् पनि निशुल्क परीक्षण गरिने छ।
२०० वटा चस्मा र १५० जनालाई निशुल्क सेनेटेरी प्याड उपलब्ध गराइने बरालले बताए।
१५० जनाको १०० रुपैयाँमा अल्ट्रासाउण्ड गर्ने कार्यक्रम पनि शिविरमा राखिएको छ। त्यस दिन नाम टिपाएका सेवाग्राहीको उक्त दिन नभ्याएमा अर्काे दिनमा पनि निशुल्क जाँछ गरिने बरालले जानकारी दिए।
पहिले नाम दर्ता गराउने १० जनाको निशुल्क डायलासिस गर्ने कार्यक्रम पनि अस्पतालले राखेको छ। शिविरमा सेवा लिने इच्छुकले फोनबाट वा इमेलमार्फत पनि नाम टिपाउन सक्ने जानकारी अस्पतालले दिएको छ।
सर्वसाधारणमा अस्पतालको सेवा पुर्याउनु र समुदायलाई जनचेतना फैलाउनु कार्यक्रमको उद्देश्य रहेको बरालले बताए। बरालका अनुसार यस कार्यक्रममा अन्य ११ संस्थाले पनि साझेदारी गरेका छन्।
तीन दशकदेखि सेवा दिँदै आएको यो अस्पताल नेपालकै दोस्रो नर्सिङ होम रुपमा स्थापना भएको बृहत रक्तदान कार्यक्रम तथा निशुल्क स्वास्थ्य शिविरका प्रवक्ता डा.सुरज भुषालले जानकारी दिए। भुषालका अनुसार २५ बेडबाट सुरु भएको यो अस्पतालले सेवा वृद्धि गर्दै विगत २ वर्षदेखि १०० बेडको सेवा दिँदै आएको छ।
अस्पताल अध्याधुनिक उपकरणसहितका चिकित्सकीय सेवा उपलब्ध गराउँदै आएको डा.भुसालले जानकारी दिए।
अस्पतालले अन्य निजी अस्पतालको भन्दा सहुलीयत दरमा गुणस्तरीय सेवा दिँदै आएको दावी अस्पतालका निर्देशक दीपचन्द्र बरालको छ।
अस्पतालमा सामान्य चिकित्सा शल्य चिकित्सा, बाल रोग, प्रसूति तथा स्त्रीरोग, न्युरोलोजी, गोपेडिक्स, मानसिक स्वास्थ्य, कार्डियोलोजी, इन्डोक्राइनोलोजी, यूरोलोजी, नेफ्रोलोजी, हेमाटोलोजी, नेत्र छाला लगायतका विभागहरू छन्।
निम्न आए भएका व्यक्तिदेखि धनाढ्यसम्मलाई उपचार गर्ने लक्ष्य अस्पतालले दिएको बरालले बताए। निम्न आए भएकालाई सहुलीयतमा र बेवारिसे, तथा अति गरिबलाई निःशुल्क समेत सेवा दिएको दावी पनि बरालले गरे।
इमर्जेन्सी परेर अस्पताल भर्ना भएको व्यक्ति पैसा नभएकै कारण आफ्नो अस्पतालमा उपचार नपाएको अवस्था नरहेको उनले जानकारी दिए।
तपाईँको अभिमत