संक्रमितको मृत्युदर बढ्दाे, आज २१४ जनाकाे मृत्यु
हेल्थपाटी - जेष्ठ ०३, २०७८ १७:०७ मा प्रकाशित
अ +
अ -
काठमाडौं । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभर थप २१४ कोरोना संक्रमितको मृत्यु भएको छ ।
यो सँगै नेपालमा संक्रमित मृतकको संख्या ५ हजार २१५ पुगेको छ ।
पछिल्लो ३ दिन संक्रमितको संख्या घटेको देखिएपनि आज फेरि सो संख्या बढेको छ । मृत्युदर बढेको बढ्यै छ । नेपालमा संक्रमितको मृत्युदर अहिले १.५ प्रतिशत रहेको छ । जेठ २ गते आइतबार संक्रमितको मृत्युदर १.५ प्रतिशत थियो । जेठ १ गते १८७ जनाको मृत्यु भएको थियो अर्थात् मृत्युदर १.४ प्रतिशत थियो ।
यसैगरी वैशाख ३१ गते २०३ जनाको मृत्यु भयो । उक्तदिन मृत्यदर १.४ प्रतिशत थियो । वैशाख २९ गते १६८ संक्रमितको मृत्यु हुँदा मृत्युदर १.३ प्रतिशत थियो भने वैशाख २८ गते २२५ संक्रमितको मृत्यु भएको थियो । सो दिन नेपालमा महामारी सुरु भएयताकै सबैभन्दा धेरै संक्रमितको मृत्यु भएको थियो ।
तपाईँको अभिमत