फर्मासिस्ट र फार्मेसी सहायकले अनिवार्य रुपमा नाम ट्यागसहित सेतो एप्रोन लगाउन पर्ने 

अब औषधि  डिस्पेन्सिङमा कार्यरत फर्मासिस्ट र फार्मेसी सहायकले अनिवार्य रुपमा सेतो एप्रोन लगाउन पर्ने भएको छ । 
नेपाल फार्मेसी परिषद्ले पुष ४ देखि सामुदायिक फार्मेसी वा अस्पताल फार्मेसी मा सेवा प्रवाह गर्दा नाम प्लेटसहितको सेतो एप्रोन अनिवार्य गरेको छ। 
परिषद्का अनुसार फार्मेसी वा अस्पताल फार्मेसीमा औषधि  डिस्पेन्सिङमा कार्यरत रहेका फर्मासिष्ट र फार्मेसी सहायकले आगामी पुष ४ देखि औषधि डिस्पेन्सिङ गर्दा देहायको नामट्याग सहितको सेतो एप्रोन लगाई मात्र डिस्पेन्सिङ गर्नुपर्ने अनिवार्य व्यवस्था लागु गरिएको छ । फर्मासिष्ट र फार्मेसी सहायकले यसको उल्लङ्घन गरेमा परिषद्को कोड अफ कन्डक्ट पालना नगरेको मानिने छ। 

।फर्मासिष्टले हरियो पृष्ठभूमिमा सेतो रंगको अक्षरमा नाम, पद र परिषद् दर्ता नम्बर र फार्मेसी सहायले निलो पृष्ठभूमिमा सेतो रंगको अक्षरमा नाम, पद र परिषद् दर्ता नम्वर उल्लेख गर्नुपर्नेछ ।

साथै, २०८१ पुस ४ बाट ड्रेसकोडको पालना भए / नभएको सम्वन्धी अनुगमन परिषदबाट हुने र पालना नभएको अवस्थामा परिषद्को नियमावली २०५९ को परिच्छेद ३ को ३.२ बमोजिम कारवाहि प्रक्रिया अगाडि बढाइने बताइएको छ। 

यसरी व्यवसायीक आचारसंहिता नमाने त्यस्ता फर्मासिस्ट एवं सहायकको नाम नामदर्ताबाट हटाउन सक्ने व्यवस्था छ । 

व्याचलर इन फार्मेसीको मिति २०८१ मंसिर १५ र डिप्लोमा इन फार्मेसीको मिति २०६१मंसिर २२ गते हुने बताइएको छ।