खोप अभियानमा पहिलो डोज नलगाउन स्वास्थ्यकर्मीलाई निर्देशन
हेल्थपाटी - जेष्ठ ०५, २०७८ १६:५७ मा प्रकाशित
अ +
अ -
काठमाडौं । स्वास्थ्य तथा जनसंख्या मन्त्रालयले अहिलेको अभियानमा पहिलो डोज भेरोसेल लगाएकालाई मात्र दोस्रो डोज खोप लगाउन अनुरोध गरेको छ ।
स्वास्थ्य तथा जनसंख्या मन्त्रालयका प्रवक्ता प्राडा.जागेश्वर गौतमले स्वास्थ्यकर्मी तथा खोप अभियानमा संलग्न अधिकारीहरुलाई पहिलो डोज लगाएको कार्ड भएकालाई मात्र दोस्रो खोप लगाइदिन आग्रह गर्नुभएको हो ।
‘यो दोस्रो डोज खोप लगाउने अभियान हो । यदि कसैले अहिले पहिलो डोज खोप लगायो भने सरकारले दोस्रो डोजको सुनिश्चितता गर्न नसक्ने अवस्था पनि आउन सक्छ त्यसैले दोस्रो डोजको खोप अभियानमा पहिलो डोज लगाउन नजानुहोला, गौतमले अनुरोध गर्नुभयो ।
भोलिदेखि काठमाडौं उपत्यकासहित देशका विभिन्न स्थानमा भेरोसेलको दोस्रो मात्रा लगाउने अभियान चल्दैछ ।
तपाईँको अभिमत