अमेरिकामा डिसेम्बरबाट सर्वसाधारणले कोरोना विरुद्धको खोप पाउने
हेल्थपाटी - मंसिर ०८, २०७७ ११:०१ मा प्रकाशित
अ +
अ -
काठमाडौं । अमेरिकामा आउँदो महिनाबाट सर्वसाधारणले कोरोना विरुद्धको खोप पाउने भएका छन् । खोप समन्वय प्रमुख डा.मोन्सेफ स्लोवीले डिसेम्बरको मध्यबाट सर्वसाधारणले खोप पाउन सक्ने जानकारी दिनुभएको अन्तर्राष्ट्रिय सञ्चारमाध्यमहरुले जनाएका छन् ।
सिएनएनसँगको अन्तरवार्तामा स्लोवीले डिसेम्बर ११ वा १२ बाट खोप लगाउन सुरु गरिने जानकारी दिनुभयो । फाइजर र बायो एन टेकले आपत्कालिन प्रयोगका लागि खाेपकाे अनुमति लिएको २ दिनपछि राज्यको खोप समन्वय प्रमुख स्लोवीलले डिसेम्बरबाट सर्वसाधारणलाई खोप दिने बताउँदै नियामक संस्थाबाट अनुमति पाउनेबित्तिकै खोप बजारमा ल्याउने जानकारी दिनुभयो ।
उहाँले खोपको स्वीकृति पाएको २४ घण्टाभित्र खोप सर्वसाधारणको पहुँचमा ल्याउने बताउनुभयो । खोप प्रयोगका लागि खाद्य तथा औषधि प्रशासन (एफडिए) ले अनुमति दिनुपर्ने हुन्छ । फाइजरले आफ्नो खोप ९५ प्रतिशत सुरक्षित रहेको दाबी गरेको छ ।
तपाईँको अभिमत