एमबीबीएस विद्यार्थीका लागि नयाँ व्यवस्था आउँदै, चिकित्सा पेसा नगर्नेले लाइसेन्स परीक्षा दिनु नपर्ने
एमबीबीएस उतीर्ण विद्यार्थीहरुले डाक्टरी गर्न नचाहे उनीहरुलाई लाइसेन्स नचाहिने व्यवस्था ल्याइने भएको छ ।
एमबीबीएस/ बीडीएस पास गरेका तर बिरामी जाँच नगर्ने, परीक्षणजस्ता उपचार गर्नु नपर्ने विद्यार्थीहरुले लाइसेन्स परीक्षा दिन नपर्ने व्यवस्था ल्याउन लागिएकाे हो । नेपाल मेडिकल काउन्सिलका रजिस्ट्रार डा. कृष्णप्रसाद अधिकारीले यो व्यवस्था ल्याउन मेडिकल कलेज, विश्वविद्यालयसँग वार्ता चलिरहेको र वार्ता सकारात्मक रहेको जानकारी दिनुभयो ।
एमबीबीएस उतीर्ण विद्यार्थीले डाक्टरी नगर्ने, बिरामी नजाँच्ने लगायतका चिकित्सकीय पेसामा सहभागी हुन नचाहे उनीहरुले लाइसेन्स परीक्षा दिननपर्ने व्यवस्था ल्याउन लागेको उहाँले बताउनुभयो ।
हालको व्यवस्थाअनुसार एमबीबीएस पास गरेका जसले बिरामीको उपचार गर्ने विषय पढ्न चाहने विद्यार्थीलाई मात्रै हाेइन बिरामी उपचार गर्न नपर्ने अन्य कुनै विषय पढ्न परेमा पनि लाइसेन्स परीक्षामा उतीर्ण गरेकै हुनपर्छ । साथै एमबीबीएस पास गरेका तर लाइसेन्स परीक्षा फेल भएकाले थप अध्ययन गर्न पाउदैनन्
हालकाे व्यवस्थाले लाइसेन्स परीक्षामा फेल भएका विद्यार्थीको जिन्दगीनै ठप्प हुने अवस्था रहेकाले निकासका लागि यस्तो व्यवस्था ल्याउन खोजिएको रजिस्ट्रार डा. अधिकारीकाे भनाइ छ ।
‘लाइसेन्स परीक्षामा फेल भएका विद्यार्थीले थप पढ्न पाइदैनन् । जागिर खान पाइदैनन् । उनीहरुको डिग्रीको मान्यता हुँदैन ।अधिकारीले भन्नुभयो, ‘यसले फेल भएका विद्यार्थी र परिवार मारमा परिरहेका छन् । बिरामी नजाच्ने भएपछि उनीहरुले लाइसेन्स परीक्षा दिन पर्दैन भन्ने काउन्सिलको धारणा हो ।’
‘एमबीबीएस गरेपछि बिरामीको उपचारनै गर्नुपर्छ भन्ने होइन, अन्य विषयमा स्नाकोत्तर गरेर विद्यार्थीले आफुले चाहेको जागिर खान सक्दछन् उहाँ तर्क गर्नुहुन्छ ।
एमबीबीएस गरेर अन्य विषय पढ्न पाउनुपर्ने उहाँ बताउनुहुन्छ । उहाँका अनुसार लाइसेन्स नभए काउनि्सलमा दर्ता नहुने र उसले बिरामी जाँच्न नपाउने भन्ने हाे यसकाे मतलब उसकाे पढाइकाे मान्यता नहुने भन्ने हाेइन ।
लाइसेन्स परीक्षामा उतीर्ण नभएका जसले बिरामी जाँच नगर्ने, परीक्षणजस्ता उपचार गर्न नपर्ने विद्यार्थीले पनि अन्य विषय पढ्न पाउनुका साथै सँगसँगै लाइसेन्स परीक्षा दिन पाउनुपर्छ भन्ने धारणा काउन्सिलकाे रहेकाे उहाँले प्रष्ट पार्नुभयाे ।
नयाँ आउन लागेको व्यवस्थाले लाइसेन्स परीक्षामा फेल भएका विद्यार्थीहरुले राहत पाउने रजिस्ट्रार अधिकारीको ठम्याई छ । अहिले एमबीबीएस उतीर्ण गरी लाइसेन्स परीक्षामा फेल भएका विद्यार्थीको संख्या झण्डै १५ सय छ ।
तपाईँको अभिमत