काेराेना उपचारमा खटिएकी नर्सलाई पुन: संक्रमण
काठमाडौं । अमेरीकाकाे फ्लोरिडा राज्यका केही नर्सहरुले सामान्य दिनमा भन्दा ५० प्रतिशत बढी बिरामीको हेरचाह गरिरहनु परेको छ ।
एक नर्सले क्षमताभन्दा धेरै बिरामीको उपचार गर्नुपर्ने बाध्यता रहेको छ । संक्रमितहरुको उपचारमा खटिएका केही स्वास्थ्यकर्मीहरुलाई पुनः संक्रमण भएको छ । पुनः संक्रमण भएकीमध्ये पोर्ट चारलोर्टकी नर्स सिन्थीया बटर एक हुन् ।
‘पक्कै पनि हामीले धेरै बिरामीको ख्याल गर्नु परिरहेको छ । आइसियुमा धेरै संक्रमितको मृत्यु भएको पनि देखिरहेका छौ’ नर्स सिन्थीया बटरले भन्नुभयो ।
‘हाम्रा कोरोनाका बिरामी पहिला घरमै आइसोलेटेड भएर बसेका हुन्छन् त्यसैले एउटा कोठामा २ जना संक्रमितलाई राखिरहेका छौ । हालसालैको कुरा हो, एउटा सिफ्टमा हामीले आकस्मिक कक्षमा २१ जना संक्रमितलाई राख्यौ, मैरो निरीक्षणमा ४ संक्रमितलाई राखिएको थियो ।’
सोही समयदेखि आकस्मिक विभागमा १७ वटा कोठाको व्यवस्था गरियो, अहिले बिरामीहरुलाई हलमा राखिन्छ । उहाँ भन्नुहुन्छ, ‘मास्कलाई अनिवार्य बनाउन सकियो भने कोरोना नियन्त्रणमा धेरै नै सहयोग पुग्नेछ, अनुसन्धानहरुले मास्कको सही प्रयोगबाट कोरोना संक्रमणलाई कम गर्न सकिने देखाइसकेका छन् । सीएनएनबाट ।
तपाईँको अभिमत