स्वास्थ्य तथा जनसंख्या बैज्ञानिकहरुको राष्ट्रिय शिखर सम्मेलन चैत २७ गते
हेल्थपाटी - फाल्गुन १३, २०७८ २०:२६ मा प्रकाशित
अ +
अ -
स्वास्थ्य तथा जनसंख्या बैज्ञानिकहरुको आठौँ राष्ट्रिय शिखर सम्मेलन चैत २७ देखि २९ गतेसम्म काठमाडौँमा हुने भएको छ ।
नेपाल स्वास्थ्य अनुसन्धान परिषदको आयोजनामा हुन लागेको शिखर सम्मेलनको थिम ‘स्वास्थ्य नीति र प्रणाली अनुसन्धानको उन्नती स् नेपालमा उन्थानशील स्वास्थ्य प्रणालीका लागि पाठ’ राखिएको छ ।
फागुन २६ गतेसम्म सोधपत्र बुझाउनका लागि समय तोकिएको र त्यसबाट कति ओरल र कति पोष्टर पेपरहरु छनौट गर्ने भन्ने निर्णय हुने परिषद्का कार्यकारी सदस्य-सचिव डा. प्रदीप ज्ञवालीले जानकारी दिनुभयो ।
उहाँले क्लिनिकल रिसर्च, बायोमेडिकल सिर्चर र अरु स्वास्थ्यका रिसर्चमा सम्मेलन केन्द्रीत रहने बताउनुभयो । अघिल्लो बर्ष कोभिड महामारीका कारण पुरै सम्मेलन भर्च्युअल रुपमा सम्पन्न गरेको परिषद्ले यसपटक अवस्था हेरेर भौतिक उपस्थितिमा गर्ने कि भर्च्युअलमा गर्ने भन्ने निर्णय लिईने बताएको छ ।
परिषदले यसपटक पनि ३०० बढी वैज्ञानिकहरु सम्मेलनमा सहभागी हुने अनुमान गरेको छ ।
तपाईँको अभिमत