काठमाडौंका सबै अस्पताललाई १५ दिनभित्र आफ्नै फार्मेसी चलाउन उर्दी
फाइल तस्बिर।
हेल्थपाटी - जेष्ठ २३, २०८१ ०७:५० मा प्रकाशित
अ +
अ -
काठमाडौं महानगरपालिकाभित्र भएका अस्पताललाई आफ्नै फार्मेसी सञ्चालन गर्न १५ दिनको समय दिइएको छ । काठमाडौं महानगरपालिकाको स्वास्थ्य विभागले यस्तो उर्दी जारी गरेको हो ।
काठमाडौं महानगरभित्र रहेका अधिकांश अस्पतालको आफ्नो स्वामित्वमा फार्मेसी नभएको पाइएकाे महानगरले भनेको छ । अरुलाई फार्मेसी चलाउन दिँदा अउपभोक्ताहरू गुणस्तरीय फार्मेसी सेवाबाट वञ्चित भएको र चर्को मूल्यमा औषधि किन्न बाध्य भइरहेको गुनासो आएको पनि महानगरको भनाइ छ ।
अस्पताल फार्मेसी सेवा सञ्चालन निर्देशिका २०७२ र सर्वाेच्च अदालतले सर्वोच्च अदालतबाट २०७४ असोज २ गते भएको आदेशमा पनि अस्पतालको आफ्नै मार्फेसी हुनुपर्ने मापदण्ड रहेको स्मरण गराइएको छ ।
कानुनमा व्यवस्था भएबमोजिम काठमाडौँ महानगरपालिभित्र सञ्चालित सबै अस्पतालाई १५ दिनभित्र आफ्नै स्वामित्वमा फार्मेसी सञ्चालन गर्न उर्दी गरिएको छ ।
तपाईँको अभिमत