कालोमोसोअघि केएमसी मालिकको हेपाहा अभिव्यक्ति : विद्यार्थीलाई ‘बच्चा’, पत्रकारलाई‘आर्ट्स, कमर्श होइन यार’
हेल्थपाटी - माघ ०१, २०७८ ०८:३९ मा प्रकाशित
अ +
अ -
शुक्रबार काठमाडौं मेडिकल कलेज र विराटनगरको नोबेल मेडिकल कलेजका सञ्चालक सुनिल शर्मामाथि विद्यार्थीहरुले कालोमोसो दलेका छन् । माथि उल्लेखित दुवै कलेजले चिकित्सा शिक्षा आयोगले तोकेभन्दा ६ लाख बढी अतिरिक्त शुल्क लिएको भन्दै विद्यार्थीहरु आन्दोलन गरिरहेका छन् ।
शुक्रबार दिउँसो शिक्षा मन्त्रालयमा सिंहदरबारस्थित विद्यार्थी, अभिभावक, काठमाडौं विश्वविद्यालयका प्रतिनिधि, केएमसी कलेजका प्रतिनिधि, चिकित्सा शिक्षा आयोगका पदाधिकारीबीच छलफल थियो ।
छलफलपछि बाहिरिने क्रममा केएमसीका सञ्चालक शर्मामाथि कालोमोसो दलिएको थियो । उहाँमाथि कालोमोसो दलिएको घटनाको धेरैले निन्दा गरेका छन् ।
कालोमोसो दल्नुअघि बैठकबाट बाहिरिएर शर्माले सञ्चारकर्मीलाई प्रतिक्रिया दिनुभएको थियो । प्रतिक्रिया दिँदा उहाँको बोली अरुलाई हाेच्याएर बोल्ने तुच्छ खालको थियो । विद्यार्थीबाट आफूले कुनै अतिरिक्त शुल्क नलिएको दावी पनि शर्माले गर्नुभयो ।
एमबीबीएस पढ्ने विद्यार्थीहरु कम्तिमा २० वर्षदेखि ३० सम्मका हुन्छन् ।
पत्रकाहरुले अतिरिक्त शुल्कको विषयमा प्रश्न गरेपछि शर्मा भन्नुहुन्छ– शुल्क के छ भने, यहाँ डिवेड के हो भने २ वटा विषयमा हो–एउटा हाेस्टल फिस महंगो भयो भन्ने र अनिवार्य भयो भन्ने, अर्काे चाँहि–विश्वविद्यालयले लिने एक्जामिनेशन फीस, रजिस्टेशन फीस, एफिलेशन फीस, यो हेडलाइनमा विश्वविद्यालयले यो बच्चाहरुसँग लिने जुन आइटम छ, यो चाहिँ त्रिभुवन विश्वविद्यालयले लिने र काठमाडौं विश्वविद्यालयले लिने चाँही बराबरी हुनुपर्छ भन्ने कलेजहरुको माग हो।
पत्रकारहरुले नै गलत सूचना प्रवाह गरेको दावी शर्माले गर्नुभयो। शर्माले विद्यार्थीलाई पटक–पटक बच्चा भनेर हेपाहा भाषा बोल्नुभएको थियो।
चिकित्सा शिक्षा ऐन भन्दा पनि मेडिकल काउन्सिलको गाइडलाइन अनुसार होस्टल फीस अनिवार्य गरेको दावी शर्माको छ ।
शर्माले आट्र्स, कमर्श पढेजस्तो प्रश्न गरेको भन्दै पत्रकाहरुलाई समेत सिकाउने प्रयास गरिरहनु भएको थियो । अरु मेडिकल कलेजहरुले उठाएका छैनन नी भन्दा पनि शर्माले कन्फिडेन्का साथ भन्नुहुन्छ–सबैमा कम्पल्सरी छ ।
जब कि अधिकांश कजेलहरुले होस्टल नबस्ने विद्यार्थीलाई होस्टल शुल्क मागेका छैनन् ।
शर्मा पत्रकारहरु मेडिकल शिक्षाको विषयमा अन्जान रहेको र हल्लाको भरमा समाचार छापेको भन्ने भावका साथ प्रस्तुत हुनुभएको थियो ।
मेडिकल काउन्सिलको गायडलाइन्स भन्दै एक कागजको फोटो खिज्न शर्मा पत्रकारहरुलाई आग्रह गर्दै भन्नुहुन्छ–‘तपाईहरुले यो जान्न जरुरी छ यार यो त आट्र्स, कमर्श पढेजस्तो क्वइश्चन भयो के समस्या भयो । तपाईहरुलाई के भ्रम छ भने सुनिल शर्माहरुले एकदम पेले, अनिवार्य गरे भन्ने त्यो हटाउनु पर्यो।’
शर्माले विद्यार्थीलाई पटक–पटक बच्चा भनेर सम्बोधन गर्नुभयो। विद्यार्थीको आन्दोलन भएपनि पढाई चलिरहेको शर्माले बताउनु भन्नुभयो–नोबेलमा ४६ जना बच्चा पढिरहेका छन्, यहाँ (केएमसी)मा २२ जना बच्चा पढिरहेका छन्।
शर्माले चिकित्सा शिक्षा आयोगका उपाध्यक्ष प्रा.डा. श्रीकृष्ण गिरीलाई समेत चुनौती दिनुभएको थियो । ऐनमा नभएको कुरा गिरीले लेख्न पाउनु हुन्न भन्दै लेखिए नोट अफ डिसेन्ट लेखेर नमान्ने चेतावनी दिनुभयो।
शर्माले यो प्रतिक्रिया दिएर बाहिरएपछि विद्यार्थीहरुले मन्त्रालयमै कालोमोसो दलेका थिए ।
सार्वजनिक रुपमै विद्यार्थीहरुलाई हेपेर बच्चा भन्ने शर्माले कलेजमा विदार्थीहरुलाई कस्तो व्यवहार गर्नुहोला यसैबाट अनुमान लगाउन सकिन्छ।
शर्माले दिएको प्रतिक्रियाको भिडियो अन्नपूर्ण पोस्टको फेसबुक पेजमा हालिएको छ।
तपाईँको अभिमत