खाेपकाे तस्करी : कोभिशिल्ड खोप ५ हजारसम्ममा विक्री
हेल्थपाटी - आषाढ १३, २०७८ १०:४६ मा प्रकाशित
अ +
अ -
काठमाडौं । राष्ट्रिय उपभोक्ता मञ्चले अवैध रुपमा कोभिशिल्ड खोपको विक्रि भइरहेको जानकारी आफुलाई प्राप्त भएको खुलासा गरेको छ।
मञ्चका अध्यक्ष प्रेमलाल महर्जनले विज्ञप्ति निकालेरे पूर्वीनाकाहरुबाट काठमाडौं लगायतका शहरी क्षेत्रहरुमा ल्याइ अबैध रुपमा कोविशिल्डको खोप भन्दै लुकीछिपी ३ हजार देखि ५ हजार सम्ममा बिक्रि बितरण भइरहेको गोप्य सूचना केही चिकित्सकहरुले दिएको जानकारी दिनुभएको छ ।
विज्ञप्तिमा भनिएको छ, ‘सरकार संयन्त्रबाट नै खोप गायव भएको समाचार र भारतको बंगालमा नक्कली कोविशिल्डको बजारमा बिक्रि भई रहेको समाचारलाई बिश्लेषण गर्दा यस्मा सरकारको सक्रियता र सजगतामा कमि देखिएकोछ ।’
उहाँले जनताको जनस्वास्थ्य माथि खेलवाड गर्दै यस्तो गम्भिर प्रकृतिको कृयाकलापको सम्बन्धमा ध्यानाकर्षण गर्दै तत्काल यस विषयमा छानविन गरी दोषीलाई कडा कारबाहीको माग गर्नुभएको छ ।
तपाईँको अभिमत