तीन बुँदे माग राख्दै डा. केसीले घोषणा गर्नुभयाे २०औँ अनशनको मिति
फाइल तस्विर
हेल्थपाटी - माघ २९, २०७७ १६:०७ मा प्रकाशित
अ +
अ -
काठमाडौं । देशको स्वास्थ्य क्षेत्र र मेडिकल शिक्षामा सुधारको माग गर्दै १९ पटक आमरण अनशन बस्नुभएका डा.गोविन्द केसीले २०औँ अनशनको घोषणा गर्नुभएको छ ।
बिहीबार प्रेस विज्ञप्ति जारी गर्दै केसीले माग पूरा नभए आगामी फागुन १२ गतेबाट २०औं सत्याग्रह सुरु गर्ने जानकारी दिनुभएको छ । डा.केसीले सरकार समक्ष ३ बुँदे माग अघि सार्दै अनशनको मिति घोषणा गर्नुभएको हो ।
असंवैधानिक रुपमा गरिएको प्रतिनिधिसभा विघटनको निर्णय सच्चाउनु पर्ने, अवैध रुपमा संवैधानिक निकायहरुमा गरिएका नियुक्ति रद्द गर्नुपर्ने माग केसीले राख्नु भएको छ । केसीका अन्य माग चिकित्सा शिक्षा र स्वास्थ्यसँग सम्बन्धित छन् ।
संविधानको मर्म मारेर एक व्यक्ति सर्वेसर्वा हुने र राज्यका सबै संस्थाले उसको स्वार्थ अनुसार काम गर्ने अधिनायकवादी व्यवस्था संस्थागत गर्ने प्रयास अहिले भइरहेको ठहर केसीले गर्नु भएको छ ।
एक व्यक्तिले सिंगो राज्य संयन्त्र कब्जा गर्ने कुटिल प्रपञ्चविरुद्ध शान्तिपूर्ण संघर्ष गर्नु एक सचेत नागरिकको कर्तव्य भएको केसीले बताउनु भएको छ । यसअघि गत भदौ–असोजमा केसी १९औँ पटक अनशन बस्नुभएको थियो ।
तपाईँको अभिमत