कतारमा अलपत्र परेका युवा नेपाल फर्कने बेला गम्भीर बिरामी(भिडियो)

वैदेशिक रोजगारीका लागि कतारमा पुगेका एक युवा गम्भीर बिरामी भएर छटपटाइरहेको भिडियो अहिले सामाजिक सञ्जालतिर देखिएको छ। भिडियोमा युवा निकै पीडामा रहेको देखिन्छ । उनको शरीर कापिरहेको देखिन्छ। यसरी छट्पटाउने व्यक्ति हुन्–दैलेख ठाटिकाध गाउँपालिका–१ का कर्ण बहादुर शाही। उनी काम नपाएर अलपत्र परेका थिए। 

साथीहरुले दिएको जानकारी अनुसार कर्ण बहादुरको सोमबार नेपाल फर्कने टिकट थियो। ५ दिन अघिदेखि गम्भीर बिरामी परेपछि नेपाल फर्कन सम्भव भएन। अस्पताल लैजानका लागि खर्चको अभाव भयो । नेपालीहरूले केही सहयोग उठाएर त्यहाँको सरकारी अस्पताल पुर्‍याएका छन् । अस्पतालमा उपचार चलिरहेको छ। 

हाल गाउँमा रहेका कर्णका दाजु  दिएको जानकारी अनुसार टेकबहादुर शाहीले  दिएको जानकारी अनुसार कर्णबहादुर लुलु इन्टरनेशन नामको म्यानपावर कम्पनीमार्फत २०७७ भदौमा कतार गएका हुन् । इट्को इन्टरनेशन नामको कम्पानीमा  काम गर्ने भनेर गएका थिए ।केही समयपछि कम्पनी नै त्यो बन्द भयो । त्यसपछि लुकेर अन्तै काम गर्दै आएका कर्णबहादुरले त्यहाँ पनि पैसा कमाउन सकेनन् । त्यसपछि नेपालीहरुले सहयोग उठाएर  नेपाल पठाउन टिकट काटीदिएका थिए। 

सुर्खेत घर भएका तीर्थ शाही (फोन: 142497477631603 ) लगायतले कर्णबहादुरलाई उपचारका लागि अस्पताल लगेका छन् । कर्णको उपचारका लागि सहयोग गर्न कतारमा रहेका नेपाली तथा अन्यलाई आह्वान गरिरहेका छन्।

दाजु टेकबहादुरका अनुसार कर्णबहादुर २ वर्षको हुँदा आमाको मृत्यु भएको थियो। 

कतार जानुअघि कर्ण भारतमा रोजगारी गर्दै आएका थिए । उनी भातरमै रहेका बेला पत्नी पार्वती शाहीको सुत्केरी पछि अत्याधिक रक्तश्राव हुँदा  मृत्यु भएको थियो। 

अत्याधिक रक्तश्राव  भएपछि थप उपचार लागि सुर्खेत लैजादै गर्दा बाटोमा पार्वतीको मृत्यु भएको दाजु टेकबहादुरले बताए । नबजात शिशुको पनि दुई महिनापछि मृत्यु भएको थियो । त्यसपछि कर्ण कतार गएका थिए।