धार्मिक कार्यक्रममा भागदौड मच्चिदा ११६ को मृत्यु
हेल्थपाटी - आषाढ १९, २०८१ ०६:५४ मा प्रकाशित
अ +
अ -
धार्मिक सभामा भागदौड हुँदा ११६ को जनाको मृत्यु भएको छ । भारतको उत्तर प्रदेशमा मंगलबार भएको उक्त भागदौडमा सात बालबालिकासहित ११६ जनाको मृत्यु भएको भारतीय सञ्चार माध्यमले जनाएका छन् ।
मृत्यु हुनेमा अधिकांश महिला रहेका छन् । एनडीटिभीका अनुसार १०६ जना शव महिलाको भेटिएको हो । त्यस्तै सात जना बालबालिकाको शव भेटिएको छ ।
हजारौँको सङ्ख्यामा सत्सङ भइरहेका बेला भागदौड मच्चिएको जनाइएको छ ।
मंगलबार युपीको हाथरस सहर नजिकै एक धार्मिक प्रचारकको प्रवचन कार्यक्रम थियो। प्रवचन सुन्न आएका सयौं मानिस कार्यक्रम सकेर बाहिर निस्किँदै गर्दा धूलोको आँधी आएजत्तिकै भएको थियो। त्यही क्रममा भागदौड हुँदा धेरै व्यक्तिले ज्यान गुमाएका हुन्।
भागदौडका कारण धेरै मान्छेको किचिएर मृत्यु भएको र शवहरू एकमाथि अर्को लडेको अवस्थामा फेला परेको स्थानीय प्रहरी अधिकारीहरूले जनाएका छन्।
प्रवचन सुन्न गएका मानिसहरूबीच यो भागदौड किन र कसरी सुरू भयो भन्नेबारे अहिलेसम्म यकिन जानकारी भने छैन। प्रहरीले यसबारे अनुसन्धान गरिरहेको बताएको छ।
तपाईँको अभिमत