पछिल्लो २४ घण्टामा ९ सय जनामा कोरोना संक्रमण, ४ जनाको मृत्यु
काठमाडौँ । पछिल्लो २४ घण्टामा नेपालमा ९ सय जनालाई कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ९ सय जनामा संक्रमण पुष्टि भएको छ ।
६ हजार १ सय ५८ जना परीक्षण गरिएकोमा ९ सय जनामा संक्रमण भेटिएको हो । त्यसमध्ये ५५ सय ३७ जनाको पिसिआर र ६ सय २१ जनाको एन्टिजेन परीक्षण गरिएको थियो । पिसिआरबाट ८ सय ३६ र एन्टिजेनबाट ६४ जनामा संक्रमण पुष्टी भएको छ ।
आज २ सय ८ जना संक्रमित उपचारपछि निको भएर घर फर्किएका छन् । त्यस्तै पछिल्लो २४ घण्टामा ४ जनाको मृत्यु भएको छ । यसअघि हिजो कोरोनाका कारण ५ जनाको मृत्यु भएको थियो ।
अहिलेसम्म नेपालमा ३ हजार ७० जनाको मृत्यु भएको मन्त्रालयले जनाएको छ । हाल नेपालमा ५ हजार ८ जना संक्रिय संक्रमित रहेका छन् । नेपालमा कोरोना भाइरसको संक्रमण दैनिक बढिरहेको छ ।
तपाईँको अभिमत