तराईमा हुस्सु लागेर चिसो बढ्ने, अन्य भू-भागको मौसम कस्तो रहला ?
दैलेख ।
हेल्थपाटी - माघ २३, २०७८ ०८:३६ मा प्रकाशित
अ +
अ -
हाल देशमा पश्चिमी न्यून चापीय प्रणालीको प्रभाव रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ ।
अहिले बिहान देशका पहाडी भू–भागमा आंशिकदेखि सामान्य बदली रहेको छ। तराई भू–भागका केही स्थानमा हुसु–कुहिरो लागेको छ।
महाशाखाका अनुसार आज दिउँसो देशभर आंशिक बदली रही मौसम सफा रहनेछ।
आज राति प्रदेश १ र बागमती प्रदेशमा आंशिक देखि सामान्य बदली रहि देशका बाँकी भूभागमा मौसम आंशिक बदली देखि मौसम सामान्यतया सफा रहने मौसम पूर्वानुमान महाशाखाले जानकारी दिएको छ ।
तराईका भू–भागमा हुसु लाग्ने भएकाले चिसोबाट बच्न र त्यसको प्रभावबाट जोगिन आवश्यक सुरक्षा तथा सतर्कता अपनाउन महाशाखाले आग्रह गरेको छ ।
तपाईँको अभिमत