दिल्लीको वायुमा फोक्सो विगार्ने धुलोका कण, २ दिन बाहिर नकिस्कन अपिल

भारतको राजधानी नयाँ दिल्लीमा वायु प्रदूषण उच्च भएको छ । शुक्रबार साँझमा दिल्लीको औसत वायु गुणस्तर सूचक(AQI) ४७० भन्दा माथि पुगेको छ । 

भारतको केन्द्रीय प्रदूषण नियन्त्रण बोर्ड(सीपीबीसी) ले करिब २ दिनसम्म सकेसम्म घरबाट बाहिर ननिस्कन आग्रह गरेको छ । सीपीबीसीको शुक्रबारको समीक्षा बैठकमा दुई दिनसम्म दीर्घरोगी, वृद्ध, बालबालिका र गर्भवती महिलालाई कम्तिमा २ दिनसम्म घरबाट बाहिर नकिस्कन भनिएको छ। 

सीपीबीसीले १८ नोभेम्बरसम्म वायुको अवस्था खराब हुने निष्कर्ष निकालेको छ । सरकारी तथा निजी संस्थामा कार्यरत कर्मचारीहरुलाई सकेसम्म निजी सवारी साधन प्रयोग नगर्न भनिएको छ । 

वायु प्रदूषणका केही व्यक्तिहरुमा कारण खोकी लाग्ने, नााकबाट सिगान बग्ने, छाती दुख्ने, छाती भारी हुनेजस्ता समस्या देखिएका छन् । त्यस्ता समस्या देखिएका व्यक्तिलाई केहीदिन घरमै आराम गर्न सीपीबीसीले सुझाव दिएको छ । 

वायुमा फोक्सोलाई खराब गर्ने धूलोका कण धेरै रहेको निष्कर्ष सीपीबीसीले निकालेको छ। दुई दिनको अवस्था निकै खराब हुनसक्ने भएकाले स्कुल समेत बन्द गर्न भनिएको छ ।