वीरलाई कोभिड युनिफाइड केन्द्रिय अस्पताल बनाएकोमा गोदानको स्वागत

काठमाडौं । सरकारले देशको जेठो अस्पताल वीर अस्पताललाई कोभिड १९ युनिफाइड अस्पतालमा परिणत गरि सोको नेतृत्वमा ११ औँ तहको कार्यरत चिकित्सकलाई चयन गरेकोमा सरकारी चिकित्सक संंघ नेपालले स्वागत गरेको छ ।

गोदानका अध्यक्ष डा.रविन खड्का र महासचिव डा.किर्तिपाल सुवेदीले विज्ञप्ति निकालेर वीरलाई यूनिफाइड केन्द्रिय अस्पताल बनाएपछि  चिकित्सा विज्ञान राष्ट्रिय प्रतिष्ठानका पदाधिकारीहरुलाई अध्यययन अध्यापनभन्दा बाहिरका अस्पतालको व्यवस्थापकिय कामकाज गर्न सजिलो हुने विश्वास व्यक्त गर्नुभएको छ । 

चिकित्सा विज्ञान राष्ट्रिय प्रतिष्ठान ऐन २०६३ लाई संशोधन गरि वीर अस्पताललाई नेपाल सरकारको केन्द्रीय अस्पतालको रूपमा कायम राख्ने र चि.वि.रा.प्र. लाई वीर अस्पतालबाट अलग्गै स्वास्थ्य विज्ञान विश्वविद्यालयको रूपमा विकसित गर्न संघले माग गर्दै आएको थियो । 

साथै स्वास्थ्य विज्ञान विश्वविद्यालयलाई अध्ययन अध्यापनको भूमिकामा राख्ने गरी ऐन संशोधन गर्नुपर्ने र केन्द्रीय अस्पतालको नेतृत्व ११औं तहको चिकित्सकलाई नै  बनाइनपर्ने माग पनि गोदानको छ । सरकारले युनिफाइड अस्पतालको प्रमुखमा प्राडा. जागेश्वर गौतमलाई नियुक्त गरेको छ ।