गोनानको स्थापना दिवसमा नर्सहरुको पाठेघरको मुखको क्यान्सरको जाँच
हेल्थपाटी - चैत्र १८, २०८१ २२:१८ मा प्रकाशित
अ +
अ -
सरकारी सेवामा आवद्ध नर्सहरुको संघ गोनानले आफ्नो स्थापना दिवसको अवसरमा काठमाडौं उपत्यकाका सरकारी अस्पतालहरुमा कार्यरत नर्सको पाठेघरको मुखको क्यान्सरको जाँच शिविरको आयोजना गरेको छ ।
नर्सहरुको स्वास्थ्य र सुरक्षा सबैको सरोकार, गुणस्तरीय नर्सि सेवा जनताको अधिकार भन्ने मुल नाराका साथ भक्तपुर क्यान्सर अस्पतालको सहकार्यमा आयोजना गरिएको शिविरमा २५६ जनाको जाँच गराएको गोनानकी कोषाध्यक्ष प्रमिला थकालीले जानकारी दिनभुभयो ।
उहाँका अनुसार सरकारी अस्पतालमा कार्यरत ३० वर्षभन्दा माथिका विवाहित नर्सहरुको पाठेघरको मुखको क्यान्सरको जाँच गराएका थिए । वीर अस्पताल, कान्ती बाल अस्पताल, मानसिक अस्पताल पाटन,थापाथली, नरदेवी आयुर्वेद अस्पताल, टेकु अस्पताल,भक्तपुर क्यान्सर अस्पताल, शिभिल अस्पतालमा कार्यरत नर्सहरुको जाँच गरिएको थियो ।
४ वर्ष अगाडि सरकारी सेवामा कार्यरत नर्सहरुको हक हितका लागि भन्दै संघको स्थापना भएको थियो ।
तपाईँको अभिमत