मुटुरोगीले पनि अण्डाको पहेँलो भाग मज्जाले खान मिल्छ : डा. रेग्मी (भिडियो)
हेल्थपाटी - भाद्र ०४, २०८० १९:१५ मा प्रकाशित
अ +
अ -
मानिसहरू अण्डा भित्रको पहेँलो भाग खान डराउँछन् । पहेँलो भाग खादा कोलेस्टोरोल बढ्ने, मुटुरोग बढ्ने जोखिम रहन्छ भनेर कतिपय डाक्टरहरूले पनि भन्ने गरेका छन् तर दिनको एउटा अण्डा पहेँलो भागसहित खान डराउन नपर्ने वरिष्ठ मुटुरोग विशेषज्ञ डा.प्रकाशराज रेग्मीले स्पष्ट पार्नुभएको छ । पहेँलो भागसहित दिनको एउटा अण्डा खान कसैले पनि डराउन नपर्ने उहाँको भनाई छ । पहेँलो भागमा कोलेस्टोरोलको मात्रा ठिक्क रहेको उहाँले बताउनुभयो ।
उहाँका अनुसार अण्डा अत्यन्तै पौष्टिक आहार हो । ‘यदि पृथ्वीमा कुनै अति पौष्टिक आहार छ भने त्यो अण्डा हो । ’ उहाँ, भन्नुहुन्छ ।
अण्डामा एकदमै राम्रो प्रोटिन, चिल्लो पदार्थ, गुड कोलेस्टोरोल, धेरै प्रकारका प्रशस्त भिटामिनहरू पाइन्छन् । सुर्यको किरणबाट पाइने भिटामिन 'डि' पनि अण्डामै पाइन्छ । अण्डामा खनिज, क्याल्सियम, आइरन, फस्फोरस पाइन्छ ।
बालबालिका, वृद्द-वृद्दा, गर्भवती, मुटु बिरामीका लागि अति उत्तम पौष्टिक आहार हो । विज्ञानले पनि के प्रमाणित गरेको छ भने दिनको एउटा अण्डा पहेँलो भागसहित खाँदा स्वास्थ्यका लागि लाभदायी हुन्छ ।
अण्डाको फाइदाबारे उहाँले दिनुभएको विस्तृत जानकारी यो भिडियोमा :
तपाईँको अभिमत