चिकित्सा शिक्षा पिजीको खुलातर्फको विद्यार्थी भर्ना चैत १० गतेदेखि

चिकित्सा शिक्षा स्नातकोत्तर (पिजी) को खुलातर्फको विद्यार्थी भर्ना चैत १० गतेदेखि हुने भएको छ । 
चिकित्सा शिक्षा आयोगले सूचना प्रकाशित गरि पिजी तह खुला तर्फको म्याचिङ तालिका, कक्षा प्रारम्भ र पहिलो भर्ना सूची प्रकाशन तथा विद्यार्थी भर्नासम्बन्धी जानकारी दिएको छ । 

पिजीका विभिन्न शैक्षिक कार्यक्रमहरुको एकीकृत प्रवेश परीक्षा पुस २ देखि ४ गतेसम्म भएको थियो । पुस ४ र ६ गते प्रकाशित भएको उक्त परीक्षाको नतिजाको योग्यताक्रममा रही प्राथमिकता निर्धारण गरेका खुला समुहतर्फका उम्मेदवारको म्याचिङ तथा भर्ना तालिका सार्वजनिक गरेको आयोगले जनाएको छ । 

प्रकाशित सूचना अनुसार पहिलो म्याचिङको नतिजा चैत ९ गते हुनेछ भने चैत १० गते देखि १६ गतेसम्म विद्यार्थी भर्ना हुनेछ ।

साथै पहिलो रि- म्याचिङको नतिजा चैत २० गते प्रकशित हुनेछ भने पहिलो रि- म्याचिङको भर्ना चैत २१ देखि २३ गतेसम्मलाई तोकिएको छ । 

दोस्रो म्याचिङ नतिजा चैत २६ गते गरिने आयोगले जनाएको छ ।