यी लक्षण कोभिड र डेंगुसँग मिल्दोजुल्दो हुन्छ, याद गरौं !
काठमाडौं । वर्षा सुरु भएसँगै डेंगुको जोखिम बढेको छ । यस महामारीको समयमा आफ्नो स्वास्थ्यमा ध्यान दिन अझ जरुरी छ । त्यसमाथी डेंगुका लक्षण कोभिड १९ सँग पनि मिल्दोजुल्दो हुन्छन् ।
डेंगुका लक्षणहरु
- एक्कासी ज्वरो आउने
- आफ्नो दैनिकी खानपान वा अन्य कामकुरामा रुचि नलाग्ने
- थकान महसुस हुने
- टाउको दुख्ने, मांसपेशी तथा जोर्नी दुख्ने
- वाकवाकी लाग्ने वा वान्ता हुने
- यी लक्षणहरु कोरोना र डेंगुसँग मिल्दोजुल्दो रहेकाले यस्ता लक्षण देखिनै बित्तिकै तुरुन्तै अस्पताल वा स्वास्थ्य संस्थामा जान स्वास्थ्य तथा जनसंख्या मन्त्रालयले अनुरोध गरेको छ । साथै अनुमानका आधारमा जथाभावी औषधि नखान पनि मन्त्रालयले सचेत गराएको छ । वर्षायाममा डेंगु र कोरोना दुबै रोगबाट सुरक्षित हुने उपायहरु :
- लामखुट्टे टोकाइबाट बच्न पूरा शरीर ढाक्ने कपडा लगाउने र घर बाहिर जाँदा अनिवार्यरुपमा मास्क लगाउने
घर वरपर प्लाष्टिक, सीमा, खपटा, सिडी, चिया खाएर फालिएका कप, नरीवलको बोक्रा आदि भए सफा गर्ने र पानी जम्न नदिने, खाल्डाखुल्डी पुर्ने, खानेपानी वा ढल चुहिएको छ भने तत्काल मर्मत गर्ने
- खाली भाँडाकुँडा घोप्ट्याएर राख्ने
- पानीको ट्याङकी पूरै खाली गरेर सफा गरिरहने
- कुलरमा हप्ताको एक वा दुई पटक मट्टितेल हाल्ने
- बेलाबेलामा साबुनपानीले मिचिमिचि हात धुने र भौतिक दूरी कायम गर्ने
- परिवारमा कसैलाई यस्ता लक्ष देखापरे तुरुन्तै आइसोलेसनमा बस्ने ।
तपाईँको अभिमत