‘विदेशबाट अक्सिजन ल्याउँ भन्दा सिसिएमसीले निर्णय नै गर्दैन, अवस्था जटिल छ’
काठमाडौं । कोरोना रोकथाम तथा नियन्त्रणका लागि स्वास्थ्य तथा जनसंख्या मन्त्रालयको प्रस्तावलाई सरकारले सधै हलुका रुपमा लिंदै आएकाले संक्रमणको अवस्था जटिल भएको मन्त्रालयकै अधिकारीहरुले गुनासो गरेका छन् ।
मन्त्रालयको प्रस्तावलाई सरकारले संधै हलुका रुपमा लिंदै आएकाले अहिले अवस्था जटिल भएको छ ।
कोरोना –१९ व्यवस्थापन समन्वय केन्द्र सिसिएमसिले मन्त्रालयको सुझाव तथा प्रस्तावमा वेवास्ता गर्दै आएको मन्त्रालयका एक उच्च अधिकारीले बताउनुभयो ।
उहाँ भन्नुहुन्छ‚ ‘हामीले सभा, जुलस, भीडभाड नगरौं बेलैमा सचेत होऊ भन्यौं तर सरकारले नै आमसभा, जुलुस र प्रदर्शनलाई प्रसय दियो, हामीले अलिक अगाडि नै भीडभाडलाई कम हुने गतिविधि बन्द गरौं भनेका थियौं तर बेलैमा नमान्दा निषेधाज्ञा नै लगाउन पर्यो।’
उहाँ थप्नुहुन्छ‚ ‘विमान चार्टर गरेर विदेशबाट अक्सिजन ल्याउँ भनिरहेका छौं तर सिसिएमसीले निर्णय नै गर्दैन । मन्त्रालयको प्रस्तावलाई सरकारले संधै हलुका रुपमा लिंदै आएकाले अहिले अवस्था जटिल भएको छ ।’
अहिले स्वास्थ्य मन्त्रालयले केही काम गरेन भन्ने आरोपहरु आइरहेका छन् हामीले काम नगरेका हौइनौं हामीले भनेका सुझावलाई माथिल्लो तहकाले सुनिरहेका छैनन् अर्का अधिकारीले गुनासाे गर्नुभयाे ।
यसैगरी मन्त्रालयका अर्का कर्मचारीका अनुसार वीर अस्पताललाई कोभिड अस्पतालमा रुपान्तरण गरि त्यहाँको व्यवस्थापनका लागि मन्त्रालयको एक कर्मचारीलाई खटाउन पर्ने मन्त्रालयको प्रस्तावलाई पनि सिसिएमसिले सुनेको छैन । ६०० बेड क्षमता रहेको वीरमा ४०० बिरामी मात्रै उपचाररत छन् ।
तपाईँको अभिमत