कोरोनाको खोप नाफाको माध्यम हुनुहुँदैन : प्रधानमन्त्री

हेल्थपाटी
मंसिर १९, २०७७ ०८:५३ मा प्रकाशित

अ + अ -

काठमाडौं । प्रधानमन्त्री केपी शर्मा ओलीले कोरोना विरूद्धक खोपहरु नाफाको माध्यम हुन नहुने बताउनुभएको छ । कोभिड १९ सम्बन्धी संयुक्त राष्ट्रसंघको विशेष महासभालाई सम्बोधन गर्दै उहाँले कोरोनाको खोप सबैलाई सहज र समान पहुँच हुनपर्ने बताउनुभएको हो ।

प्रधानमन्त्री ओलीले भन्नुभयो, 'कोरोनाको खोप विश्वप्यापी सार्वजनिक वस्तु हुनुपर्छ जुन सबैले पाउनुपर्छ ।' उहाँले विश्वका सबैको पहुँचमा खोप पुर्याउन कोभ्यास सुविधाले गरिरहेको प्रयासको प्रशंसा गर्नुभयो । प्रधानमन्त्री ओलीको सम्बोधनको भिडियो रेकर्ड गरि राष्ट्रसंघ पठाइएको थियो ।