किर्तिपुरमा १५ सय बेडको अत्याधुनिक सुपर स्पेसियालिटी केन्द्र बन्ने
काठमाडौं । सरकारले जटिल तथा घातक प्रकृतिका रोगको उपचारका लागि विदेश जानुपर्ने बाध्यताको अन्त्य गरि स्वदेशमा नै अन्तराष्ट्रिय स्तरको सेवा सुनिश्चित गर्न 'सुपर स्पेसियालिटी केन्द्र' निर्माण गर्ने भएको छ । यस केन्द्रमा १५ सय बेड रहने छन् ।
आगामी आर्थिक वर्षका बजेटमा सुपर स्पेसियालिटी केन्द्र निर्माण गरी ३ वर्षभित्र सञ्चालन गरिने व्यवस्था मिलाइएको छ । काठमाडौंको किर्तिपुरमा त्रिभुवन विश्वविद्यलाय चिकित्साशास्त्र अध्ययन संस्थान अन्तर्गत नेफ्रोलोजी, युरोलोजी, न्यूरोलोजी, न्यूरो सर्जरी, स्पाइनल सर्जरी, कार्डियोलोजी, कार्डियो सर्जरी, पल्मोनोलोजी, ग्यास्ट्रोइन्टरलोजी र ग्याष्ट्रो सर्जरी लगायत अन्य रोगको विशिष्टीकृत उपचार सेवा, डाइग्नोष्टिक सेन्टर र अध्ययन, अध्यापन तथा अनुसन्धानका लागि १ हजार ५ सय बेडको स्पेसियालिटी केन्द बनाउने घोषणा सरकारले गरेको छ ।
तपाईँको अभिमत