विद्युत मर्मतका क्रममा करेन्ट लागेर कर्मचारीको मृत्यु
प्रतिकात्मक तस्विर ।
हेल्थपाटी - कार्तिक १५, २०७७ १४:१२ मा प्रकाशित
अ +
अ -
जनकपुर । नेपाल विद्युत प्राधिकरण महोत्तरीकाे गौशाला वितरण केन्द्र अन्तर्गत बर्दिवासमा एक कर्मचारीको करेन्ट लागेर मृत्यु भएको छ । रौतहट पौराह नगरपालिका बसन्पट्टीका ४५ वर्षीय गौरी पण्डितको मृत्यु भएको हाे ।
पण्डित फ्यूज शाखामा कार्यरत ज्यालादारी कर्मचारी हुनुहुन्थ्याे । बर्दिबास नगरपालिका वडा नम्बर १ मा रहेको एक घरको विद्युत लाइन मर्मत गर्न पोलमा चढेकाे समयमा पण्डितलाई शनिबार बिहान करेन्ट लागेको थियो।
करेन्ट लागेर घाइते हुनुभएका उहाँलाई उपचारका लागि बर्दिवास जनसेवा अस्पताल लगिएको थियो। त्यहाँ उहाँको उपचार सम्भव नभएपछि थप उपचारका लागि जनकपुर ल्याइएको थियाे।
जानकी केयर हस्पिटलमा उपचारकै क्रममा उहाँको मृत्यु भएको नेपाल विद्युत प्राधिकरण महोत्तरीकाे गौशाला वितरण केन्द्र जनाएको छ।
तपाईँको अभिमत