निवर्तमान स्वास्थ्य राज्यमन्त्री श्रेष्ठलाई प्रधानमन्त्री कार्यालयको जिम्मा

हेल्थपाटी
आश्विन २२, २०७८ १६:०२ मा प्रकाशित

अ + अ -

राष्ट्रपति विद्यादेवी भण्डारीले मन्त्रिपरिषद् विस्तार तथा हेरफर गर्नुभएको छ । प्रधानमन्त्री शेरबहादुर देउवाको सिफारिसमा शुक्रबार राष्ट्रपति भण्डारीले मन्त्रिपरिषद् विस्तार तथा हेरफर गर्नुभएको हो ।

स्वास्थ्य मन्त्रालयलको जिम्मेवारी नेकपा(एकीकृत समाजवादी)का सांसद विरोध खतिवडाले पाउनु भएको छ । यसै पार्टीबाट भवानीप्रसाद खापुङ स्वास्थ्य राज्यमन्त्रीमा नियुक्त हुनु भएको छ ।

यसअघिका स्वास्थ्य राज्यमन्त्री उमेश श्रेष्ठ विना विभागीय राज्यमन्त्री नियुक्त हुनु भएको छ । उहाँलाई प्रधानमन्त्री तथा मन्त्रिपषिद् कार्यालयको राज्यमन्त्रीका रुपमा नियुक्त गरिएको छ ।

श्रेष्ठलाई साउन १० गते स्वास्थ्य राज्यमन्त्रीमा नियुक्त गरिएको थियो । श्रेष्ठलाई स्वास्थ्य राज्यमन्त्री बनाएर प्रधानमन्त्रीले स्वास्थ्य मन्त्रालयको जिम्मेवारी आफैँसँग राख्न खोज्नुभएको थियो ।

गठबन्धनमा भागबण्डाका क्रममा स्वास्थ्य मन्त्रालय नेकपा(एकीकृत समाजवादी) पाएपछि श्रेष्ठको जिम्मेवारी फेरिएको हो ।