कोरोना संक्रमणबाट मृत्यु भएका डा.सापकोटालाई शहिद घोषणा गर्न माग
१ करोड राहत उपलव्ध गराउनुपर्ने
हेल्थपाटी - आश्विन १६, २०७७ १४:१५ मा प्रकाशित
अ +
अ -
काठमाडौं । सरकारी चिकित्सक संघ(गोदान)ले कोरोना संक्रमणबाट मृत्यु भएका वरिष्ठ अर्थाेपेडिक सर्जन डा.हरि सापकोटालाई शहिद घोषणा गर्दै उहाँको परिवारलाई १ करोड राहत उपलव्ध गराउन सरकारसँग माग गरेको छ ।
गोदानले विज्ञप्ति निकालेर कोरोना संक्रमितको उपचारका क्रममा संक्रमणमा परि मृत्यु भएका डा.सापकोटाको परिवारलाई राहतको माग गरेको हो । यसैगरी डाक्टर तथा स्वाथ्यकर्मीलाई तुरुन्तै कोभिड प्रोत्साहन भत्ता उपलव्ध गराउन, गुणस्तरीय पीपीईको उचित व्यवस्था गर्न, पटक–पटकको लकडाउनलाई समाधान नभई युद्धस्तरको तयारीको अवसरका रुपमा अघि बढ्नुपर्ने गोदानको माग छ ।
यस्तै डा. गोविन्द केसीको मागलाई यथाशीघ्र सम्बोधन गर्दै अर्काेपटक अनसन नै बस्नु नपर्ने वातावरण मिलाउन तथा चिकित्सकभत्ता स्वरुप ५०० प्रतिशत वृद्धि, वृति विकास र सामाजिक सुरक्षाका विषयमा स्वास्थ्य मन्त्रालयले गरेको प्रस्ताव अनुरुप अघि बढ्न, चिकित्सक, नर्स तथा स्वास्थ्यकर्मीको स्थायी पदपूर्तिको लागि लोकसेवा खुलाउनुपर्ने लगायतका माग गोदानले गरेको छ ।
तपाईँको अभिमत