हेटौँडामा डाक्टर कुट्नेमाथि कारबाही प्रक्रिया कहाँ पुग्यो ? थप एकजना पक्राउ
हेल्थपाटी - आश्विन ०४, २०८० ११:३७ मा प्रकाशित
अ +
अ -
भदौँ २७ गते हेटौँडाको सन्चो अस्तपालमा डाक्टरमाथि कुटिपिटमा संलग्न भएको आरोपमा थप एक जना पक्राउ परेका छ।
सुनिल पाख्रिन नाम गरेको व्यक्तिलाई पक्राउ गरिएको जिल्ला प्रहरी कार्यालय मकवानपुरका एसपी सीताराम रिजालले जानकारी दिनुभयो ।
एसपी रिजाला अनुसार यस घटनामा १२ जनालाई पक्राउ पुर्जी जारी भएको छ ।
पाख्रिनसँग पक्राउ पर्नेको संख्या ५ पुगेको छ । डाक्टरमाथि कुटपिटमा संलग्न भएको आरोपमा मृतककी श्रीमती रमा प्रधान, छोरी रमिता प्रधान, छोरा रोहित प्रधान र भतिजा अनुप प्रधानलाई प्रहरीले भदौ २८ गते नैपक्राउ गरिसकेको छ ।
पक्राउ परेकालाई स्वास्थ्यकर्मी तथा स्वास्थ्य संस्थाको सुरक्षा सम्बन्धि ऐन २०६६ अनुसार कारबाही अघि बढाइएको एसपी रिजालले बताउनुभयो ।
सबैलाई पक्राउ गरी २५ दिनभित्र अनुसन्धान सक्काएर मुद्दा दायर गर्ने तयारी भएको उहाँले जानकारी दिनुभयो ।
तपाईँको अभिमत