नवनियुक्त स्वास्थ्य सचिव डा. पोखरेलद्वारा पदबहाली, पहिलो प्राथमिकता खोप
स्वास्थ्य तथा जनसंख्या मन्त्रालयका स्वास्थ्य सेवा तर्फ सचिवमा नियुक्त हुनुभएका डा.रोशन पोखरेलले पदबहाली गर्नुभएको छ । केहीबेर अघि पदबहाली गर्दै सचिव पोखरेलले आफ्नो पहिलो प्राथमिकता खोप नै रहेको बताउनु भएको छ । यस्तै उहाँले सबै स्वास्थ्यकर्मीहरुलाई उच्च मनोबलका साथ काम गर्ने वातावरण सधैं सृजना गर्ने प्रतिवद्धता जनाउनुभयो ।
सोमबार बसेको मन्त्रिपरिषद् बैठकले स्वास्थ्यमा प्राविधिक सचिवका रुपमा डा. पोखरेललाई नियुक्त गरेको हो । यसअघि उहाँ मन्त्रालयमा प्रमुख विशेषज्ञका रुपमा कार्यरत हुनुहुन्थ्यो ।
सचिव नियुक्तिका लागि सोमबार बिहान बसेको बढुवा समितिको बैठकले स्वास्थ्य मन्त्रालयका १२ औँ तहका प्रमुख विशेषज्ञहरू डा.रोशन पोखरेल, डा.दीपेन्द्ररमण सिंह र महेन्द्रप्रसाद श्रेष्ठको नाम क्रमशः पहिलो, दोस्रो र तेस्रो नम्बरमा सिफारिस गरेको थियो ।
स्वास्थ्य मन्त्रालयमा ०७६ साल पुस २१ गतेदेखि स्वास्थ्य सेवातर्फको सचिव पद रिक्त थियाे ।
डा.पोखरेलकाे पदबहालीका तस्विरहरु :
तपाईँको अभिमत