इटालीमा पनि नयाँ कोरोना भाइरसका बिरामी, यूरोपियन देशद्वारा बेलायत यात्रामा रोक
हेल्थपाटी - पौष ०६, २०७७ ०९:२४ मा प्रकाशित
अ +
अ -
काठमाडौं । इटालीमा पनि कोरोना भाइरसको नयाँ स्ट्रेन फेला परेको छ । स्वास्थ्यमन्त्रीले बेलायतमा नयाँ स्ट्रेनको बिरामी भेटिएको र यो हालै बेलायतमा फेला परेको भाइरस रहेको जानकारी दिनुभएको छ ।
स्वास्थ्यमन्त्रीका अनुसार,नयाँ कोरोना भाइरस देखिएका बिरामी केही दिन अघिमात्रै बेलायतबाट इटाली आउनुभएको थियो । धेरै यूरोपियन देश तथा कुवेत लगायतका देशहरुले बेलायतबाट हुने उडानमा रोक लगाइएको छ ।
‘नयाँ कोरोना भाइरस अनियन्त्रित छ,’ बेलायती स्वास्थ्य सचिव माट हन्ककले बताउनुभयो । विश्वभर ७ करोड ६० लाख मानिस कोरोना संक्रमित भइसकेका छज् भने १७ लाख संक्रमितको मृत्यु भएको छ ।
बेलायतमा नयाँ स्ट्रेनको कोरोना भाइरस देखिएपछि टर्कीले बेलायत, नेदरल्याण्ड, डेनमार्क र दक्षिण अफ्रिकाबाट हुने उडानमा रोक लगाएको छ ।
इरानले पनि २ हप्ताका लागि बेलायतबाट उडान बन्द गरेको छ । फ्रान्सले पनि ४८ घण्टाका लागि बेलायतबाट हुने उडान रद्द गरेको छ । साथै, जर्मनी, बेल्जियम,अष्ट्रियाले पनि बेलायतबाट हुने यात्रामा रोक लगाएका छन् ।
तपाईँको अभिमत