'रुमा फ्युजन' कार्यक्रममा बाथरोग र गर्भधारणको जटिल सम्बन्ध बारे छलफल
हेल्थपाटी - श्रावन २३, २०८२ २०:११ मा प्रकाशित
अ +
अ -
नेशनल बाथरोग सेन्टरले बाथरोग र प्रसूतिका विशेषज्ञहरू बीच ज्ञान आदानप्रदान गर्न 'रुमा फ्युजन' सीएमई कार्यक्रम आयोजना गरेको छ । कार्यक्रममा बाथरोगग्रस्त महिलाहरूमा सुरक्षित गर्भधारण सम्भव बनाउने उपायहरूमा केन्द्रित भएर छलफल भएको थियो।
कार्यक्रमको मुख्य उद्देश्य बाथरोग र गर्भधारण बीचको जटिल सम्बन्धबारे चिकित्सकहरूलाई अद्यावधिक जानकारी दिनु रहेको सेन्टरका प्रबन्धक रोशन कक्षपतिले जानकारी दिनुभयो । उहाँका अनुसार विशेषगरी, लुपस जस्ता स्वप्रतिरक्षी रोगले गर्भधारणमा पार्ने जोखिम र यसको प्रबन्धनमा विशेषज्ञहरूले अनुभव आदानप्रदान गर्नुभएको थियो ।
कार्यक्रममा देशभरका ५२ जना प्रसूति र बाथरोग विशेषज्ञहरूको सहभागिता रहेको थियो । बिरामीको उपचारमा अन्तरविधागत सहकार्यको आवश्यकता रहेको कार्यक्रमको निष्कर्ष रहेको थियो । लुपसग्रस्त महिलाहरूमा गर्भपतन र अन्य जटिलताको जोखिम न्यूनीकरण गर्न विशेषज्ञहरूले उपचार योजना बनाउन सुझाव दिए।
यस अवसरमा निकालिएका निष्कर्षहरूलाई व्यवहारमा उतार्ने साथै भविष्यमा यस्ता रोगहरूको व्यस्थापन तथा निदानमा नयाँ नीति निर्माण हुनेमा अपेक्षा गरिएको छ।
तपाईँको अभिमत