आजको मौसम : केही स्थानमा वर्षा र हिमपातको सम्भावना

हाल नेपालमा पश्चिमी वायुको सामान्य प्रभाव रहेको जल तथा मौसम विज्ञान विभाग मौसम पूर्वानुमान महाशाखाले जनाएको छ । 

अहिले बिहान देशका पहाडी भू–भागमा आंशिक बदली  तथा मधेश प्रदेशका धेरै भू–भागमा हुस्सु–कुहिरो लागेको छ ।

महाशाखाका अनुसार आा दिउँसो सुदूरपश्चिम, कर्णाली र लुम्बिनी प्रदेशसहित देशको पहाडी भू–भागमा आंशिक बदली रहने छ ।  बाँकी भूभागमा आंशिक बदलीदेखि मौसम सफा रहनेछ। देशका पहाडी भू–भागका एक–दूई स्थानमा हल्का वर्षाको सम्भावना छ। कोशी, बागमती र गण्डकी प्रदेशका उच्च पहाडी तथा हिमाली भू–भागका थोरै स्थान तथा  देशका बाँकी उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना रहेको छ।

आज राति सुदूरपश्चिम, कर्णाली र लुम्बिनी प्रदेशसहित देशका पहाडी भू–भागमा आंशिक बदली रही बाँकी भू–भागमा मौसम सफा रहनेछ। कोशी, बागमती, गण्डकी र कर्णाली प्रदेशका उच्च पहाडी तथा हिमाली भू–भागका एक–दुई स्थानमा हल्का हिमपातको सम्भावना छ।

आगामी २४ घण्टामा पहाड, तथा हिमाली क्षेत्रका एक–दुई स्थानमा वर्षा र तराईका अधिकांश स्थानमा हुस्सुको प्रभाव रहने मौसम पूर्वानुमान महाशाखाले जानकारी दिएको छ । चिसो बढ्ने भएकाले दैनिक जनजीवन, स्वास्थ्य, प्रभाव पार्न सक्ने भन्दै सचेत रहन आग्रह गरेको छ ।