पाटन अस्पतालमा जागिरका लागि पास भएका नर्स नियुक्ति पत्र बुझ्नै आएनन्
हेल्थपाटी - श्रावन १६, २०८१ ०८:१६ मा प्रकाशित
अ +
अ -
पाटन स्वास्थ्य विज्ञान प्रतिष्ठानले जागिरका लागि नाम निकालेका स्वास्थ्यकर्मीलाई नियुक्ति पत्र बुझ्न आउने आह्वान गरेको छ । स्थायी पदपूर्तिका लागि नाम निकालेर ३ महिनासम्म पनि नियुक्त लिन नआएपछि सावैजनिक सूचना जारी गरिएको छ ।
यसरी नियुक्ति पत्र लिन नआउनेमा १ ल्याब टेक्निसियन, १ नर्सिङ अधिकृत र ८ जना स्टाफ नर्स रहेका छन् ।
प्रतिष्ठानको सेवा आयोगले लिएको परीक्षा तथा अन्तवार्तामा उतीर्ण भएकाको नतिजा प्रतिष्ठानले गत बैशाख ३ गते प्रकाशन गरेको थियो । यसमध्ये १० जना अहिलेसम्म पनि नियुक्ति लिनै नआएको प्रतिष्ठानले जानकारी दिएको छ ।
अबको १५ दिनभित्र पनि नियुक्ति पत्र बुझ्न नआए प्रतिष्ठानको नियमअनुसार हुने सूचित गरिएको छ ।
तपाईँको अभिमत