चिकित्सकको तलब न्यूनतम १ लाखदेखि २ लाख ५० हजार पुर्याउन सिफारिस
एआईद्वारा निर्मित सांकेतिक तस्बिर ।
चिकित्सकको तलब न्यूनतम १ लाखदेखि २ लाख ५० हजार पुर्याउन सिफारिस गरिएको छ । स्वास्थ्य तथा जनसंख्या मन्त्रालयका प्रमुख विशेषज्ञ डा टंक बाह्राकोटी नेतृत्वको एक समितिले यस्तो सिफारिस गरेको हो।
एमबीबीएस/बीडीएस चिकित्सकको हकमा एक लाखदेखि १ लाख २५ हजार मासिक आय सुनिश्चित गर्न सिफारिस गरिएको छ।
एमडीएमएस गरेकाहरुको एक लाख ५० हजारदेखि १ लाख ७५ हजार र डीएम/एमसीएच गरेका चिकित्सकको २ लाख २५ हजारदेखि २ लाख ५० हजारसम्म दिन सुझाव दिइएको छ। प्रत्येक तहमा सेवा अनुभवको अवधिका आधारमा आय वृद्धि हुने व्यवस्था गर्न पनि भनिएको छ। जसका लागि विभिन्न भत्ता सिफारिस गरिएको छ।
एमडीएमएस गरेका चिकित्सकलाई ७५–१०० र डीएम/एमसीएच गरेका चिकित्सकलाई १००–१५० प्रतिशत विशेषज्ञ भत्ता प्रदान गर्न सिफारिस गरेको छ। यसैगरी एमबीबीएस/बीडीएसलाई ५० देखि ७५ प्रतिशत, एमडी/एमएसलाई ७५–१०० प्रतिशत र डीएम/एमसीएचलाई १००–१५० प्रतिशत नन– प्राक्टिसिङ अलाउन्स प्रदान गर्न सुझाव दिइएको छ।
यी सुविधा निर्धारण गर्दा भूगोल सुगम, दुर्गम, अति दुर्गम तथा सेवा अवधिका आधारमा वृध्दि हुने व्यवस्था गर्न भनिएको छ।
तपाईँको अभिमत