स्वास्थ्य क्षेत्र सुधारका लागि स्वास्थ्य मन्त्रीले ल्याएका योजनामा के-के छन् ?

स्वास्थ्य तथा जनसंख्या मन्त्री प्रदिप पौडेलले आफ्ना योजना सार्वजनिक गरेका छन्। स्वास्थ्य क्षेत्र सुधारको योजना भन्दै मन्त्री पौडेलले सरकारको ‘नीति तथा कार्यक्रम’ कै स्वरुपमा विभिन्न योजना अघि सारेका छन्। 

गत असार ३१ गते  पद बहाली गरेका मन्त्री पौडेलले करिब एक महिनापछि आज मन्त्रालयमा पत्रकार सम्मेलन गरी विस्तृत योजना प्रस्तुत गरेका छन् ।

स्वास्थ्य बीमा सुधार गर्ने तथा व्यवस्थित बनाउने, स्वास्थ्य क्षेत्रका नीतिगत र कानुनी सुधारका लागि प्रयास गर्ने जस्ता योजना मन्त्री पौडेलले अघि सारेका छन्। 

४० वर्षमाथिका सबै नागरिकको रोग पत्ता लगाउन स्क्रिनिङ गर्ने, वैकल्पिक चिकित्सा तथा आयुर्वेदलाई प्राथमिकता दिने, राष्ट्रिय खेलाडीको निशुल्क स्वास्थ्य परीक्षण गर्ने लगायतका योजना पनि समेटिएको छ। 
वैदेशिक रोजगारीमा जाने नेपाली कामदारको स्वास्थ्य र पोषण सम्बन्धि विषय पनि मन्त्री पौडेलको योजना उल्लेख छन्। 

आन्तरिक बसाईँ सराइको काराण पत्ता लगाउने, सीमान्तकृत एवं लोपोन्मुख जातिको संरक्षण गर्ने, आप्रवासन प्रवृत्तिलाई नियमन गर्न कार्ययोजना निर्माण गर्ने पनि मन्त्रीको योजनामा छ।

निजामती कर्मचारी अस्पतालमा शिक्षक र स्थानीय तहका कर्मचारीको पनि सहुलीयत दरमा उपचार गराउने पहल गर्ने मन्त्रीले बताएका छन्। 

योजना सार्वजनिक कार्यक्रममा बोल्दै मन्त्री पौडेलले बजेटकै आधारमा योजना बनाएकाले कार्यान्वयन हुने दावी गरे। मन्त्री एक्लैले नभई सचिव, विभागका माहानिर्देशक, अन्य कर्मचारीसमेत भएर योजना अघि सारेकाले कायान्वयन हुने विश्वास मन्त्री पौडेलको छ।

के-के छन् मन्त्रीको योजनामा विस्तृत तल प्रस्तुत गरिएको छ