कोरोनाको नयाँ रेकर्ड, पछिल्लो २४ घण्टामा ७ हजार २११ जना संक्रमित
हेल्थपाटी - बैशाख १९, २०७८ १६:३४ मा प्रकाशित
अ +
अ -
काठमाडौं । नेपालमा कोरोना संक्रमितको संख्याले नयाँ रेकर्ड बनाएको छ । पछिल्लो २४ घण्टामा थप ७ हजार २ सय ११ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता प्राडा.जागेश्वर गौतमले देशभर ७ हजार २११ लाई कोरोना पुष्टि भएको जानकारी दिनुभयो ।
अहिले सक्रिय संक्रमित ४८ हजार ७११ रहेको छ । गौतमका अनुसार १६ हजार १४७ जनाको पीसीआर परीक्षण भएकोमा ७ हजार १३७ जना र ६२३ जनाको एन्टीजेन परीक्षण भएकोमा ७४ जनालाई कोरोना संक्रमण पुष्टि भएको हो ।
पछिल्लो २४ घण्टामा १६ सय १२ जना निको भएका छन् भने २७ जनाको मृत्यु भएको छ । आज थपिएकासँगै नेपालमा कोरोना संक्रमितको संख्या ३ लाख ३६ हजार ३० पुगेको छ जसमध्ये २ लाख ८३ हजार ९९४ जना संक्रमणमुक्त भएका छन् । ३३ सय २५ संक्रमितको मृत्यु भइसकेको छ ।
तपाईँको अभिमत