असार २३ गते लिइएको नर्सिङ नाम दर्ता परीक्षाको नतिजा अनिश्चतकालका लागि स्थगित
हेल्थपाटी - श्रावन ०२, २०८० २२:१५ मा प्रकाशित
अ +
अ -
नेपाल नर्सिङ परिषद्ले गत शनिबार लिएको ३३ औं नाम दर्ता परीक्षाको नतिजा प्रहरीबाट छानबीनको अन्तिम प्रतिवेदन नआउञ्जेल स्थगित भएको छ । परिषद्को एक सूचना जारी गरि उक्त जानकारी दिएको हो ।
असार २३ गते सिद्धार्थ वनस्थली परीक्षा केन्द्रका केही परिक्षार्थीहरुबाट प्रश्नपत्र सामाजिक सञ्जालमार्फत समुहमा चुहावट भएको र बाहिरबाट प्रश्नको उत्तर पनि प्राप्त गरेको पाइएपछि परिषद्ले प्रहरीलाई बाेलाएकाे थियाे । प्रहरीले ३ जनालाई नियन्त्रणमा लिएको थियो ।नियन्त्रणमा लिइएका ३ जनासँग बयान लिने क्रम चलिरहेको र उक्त प्रश्नपत्र कति समुहमा पुग्यो भन्ने छानविन भइरहेकाले साेको अन्तिम प्रतिवेदन प्राप्त नहुञ्जेल परीक्षाफल प्रकाशन स्थगित गरिएको परिषद्ले जनाएको छ ।
प्रतिवेदन आउन अझै कम्तिमा २५ दिन लाग्ने बताइएको छ । परिषद्का एक कर्मचारीका अनुसार आउट भएको प्रश्नपत्र ४०० भन्दा बढीले हेरेको पाइएको छ । परीक्षामा ६ सयभन्दा बढी परिक्षार्थीको सहभागिता रहेको थियो ।
यस्तो छ, परिषद्को सूचना :
तपाईँको अभिमत