नेपालसहित १६ एसियाली राष्ट्रलाई कोरोना खोप दिने अमेरिकाको घोषणा
अ +
अ -
काठमाडौं । अमेरिकाले नेपालसहित १६ एसियाली राष्ट्रलाई कोरोना खोप दिने घोषणा गरेको छ । अमेरिकी राष्ट्रपति कार्यालय ह्वाइट हाउसले नेपालसहितका १६ एसियाली राष्ट्रलाई झन्डै ७० लाख डोज खोप दिने बताएको छ ।
यद्यपी कुन खोप र कति परिमाणमा दिने भन्नेबारे खुलाइएको छैन । भारत, बंगलादेश, पाकिस्तान, श्रीलंका, अफगानिस्तान, माल्दिभ्स, मलेसिया, फिलिपिन्स, भियतनाम, इन्डोनेसिया, थाइल्यान्ड, लाओस्, पपुवा न्यूगिनी, ताइवान र प्यासिफिक आइल्यान्डले खोप प्राप्त गर्ने ह्वाइट हाउसले वेवसाइट मार्फत जानकारी दिएको छ ।
गतहप्ता राष्ट्रपति विद्यादेवी भण्डारीले अमेरिकी समकक्षी जो बाइडेनलाई पत्राचार गर्दै खोप उपलव्ध गराउन अनुरोध गर्नुभएको थियो ।
तपाईँको अभिमत