विश्व स्वास्थ्य संगठनको क्षेत्रीय समिति बैठक सकियो, भए यस्ता निर्णय

नेपालको आयोजना भएको विश्व स्वास्थ्य संगठनको दक्षिण पूर्वी एशियाली राष्ट्रहरूको क्षेत्रीय समितिको ७४औं बैठक सकिएको छ।

भदौ २१ गतेबाट सुरु भएको भर्चुअल बैठक आजबाट सकिएको  स्वास्थ्य तथा जनसंख्या मन्त्रालयले जनाएको छ । 

बैठकमा दक्षिण पूर्वी एयसया सदस्य राष्ट्रका स्वास्थ्य मन्त्रीहरु, विश्व स्वास्थ्य संगठनका महानिर्देशक, क्षेत्रीय निर्देशक, सदस्य राष्ट्रका वरिष्ठ स्वास्थ्य अधिकारीलगायत संयुक्त राष्ट्र संघका एजेन्सीहरू, विकास साझेदारहरू, दातृ निकाय तथा नागरिक समाजका प्रतिनिधिहरुको सहभागिता रहेको मन्त्रालयले जानकारी दिएको छ । 

बैठकले समसामायिक स्वास्थ्यका मूल मुद्दाहरूमा सघन छलफल गरी प्रतिवद्धता तथा निर्णयहरू गरेको स्वास्थ्य मन्त्रालयका प्रवक्ता डा.कृष्ण पौडेलले जानकारी दिनुभएको छ । 

नेपालले यस सत्र देखि अर्को सत्रमा नयाँ अध्यक्ष चयन नहुञ्जेलसम्मका विश्व स्वास्थ्य संगठनको क्षेत्रीय समितिको अध्यक्षता गर्नेछ । समितिको अर्काे बैठक २०२२ सेप्टेम्बर ५ देखि ९ मा भुटानमा हुने तय भएको छ ।

विश्व स्वास्थ्य संगठनको दक्षिण पूर्वी एशियाली राष्ट्रहरूको क्षेत्रीय समिति ७४औं बैठबाट भएका निर्णयहरु

१. नेपालले यस सत्र देखि अर्को सत्रमा नयाँ अध्यक्ष चयन नहुञ्जेलसम्मका लागि समितिको अध्यक्षता गर्ने । 

२. कोभिड(१९ को सन्दर्भमा अत्यावश्यक स्वास्थ्य सेवाहरूलाई थप प्रभावकारी बनाउन मन्त्री स्तरीय घोषणा(पत्र जारी गर्ने। 

३.विश्व स्वास्थ्य संगठनको २०२२ ( २०२३ को कार्यक्रम तथा बजेट पारित गर्ने।

४.विद्यालय स्वास्थ्य र विद्यालयहरूमा स्वास्थ्य प्रवर्द्धन गर्ने कार्यलाई थप प्रभावकारी बनाउने। 

५.नसर्ने रोग, मुख स्वास्थ्य र आँखा स्वास्थ्यको रोकथाम तथा नियन्त्रणमा भए गरेका प्रयासहरूलाईथप सुदृढ बनाउने। 

६.दक्षिण पूर्वी एशियाली राष्ट्रहरूमा स्वस्थ बैठक प्रवर्द्धन गर्ने।

७.भाइरल हेपाटाइटिस, एच.आई.भी. तथा यौनरोग नियन्त्रणका लागि कार्य दशक मनाउने । 

८.अर्को सत्र २०२२ सेप्टेम्बर ५ देखि ९ मा भुटानमा हुने।