राप्ती प्रादेशिक अस्पतालका मेसुमाथिको आक्रमण निन्दनीय : स्वास्थ्य मन्त्रालय

दाङस्थित राप्ती प्रादेशिक अस्पतालका मेसु डा.विनोद सिंहमाथि गरिएको आक्रमणप्रति लुम्बिनी प्रदेश स्वास्थ्य मन्त्रालयले दुःख व्यक्त गरेको छ । प्रदेश स्वास्थ्य तथा जनसंख्या मन्त्रालयका प्रवक्ता डा.पुष्पराज पौडेलले शनिबार प्रेस विज्ञप्ति जारी गरी घटनाको घोर भर्त्सना गर्नुभएको  हो । 

केहि अराजक झुण्डका व्यक्तिहरुले अस्पतालजस्तो पवित्रस्थलमा गरिएको व्यवहारले लज्जित तुल्याएको पौडेलले बताउनु भएको छ । 

यस्ता घटनाले चिकित्सक तथा स्वास्थ्यकर्मीहरुको मनोबल गिराउने र अस्पतालको सेवा प्रवाहमा थप असर हुने भन्दै यस्ता घटनाको विपक्षमा उभिन सबैलाई प्रवक्ता पौडेलले आह्वान गर्नुभएको छ । 

घटनामा संलग्नलाई कानुनको दायरामा ल्याई कडा भन्दा कडा सजाय दिन सम्बन्धित निकायसँग मन्त्रालयले माग गरेको छ ।

यो पढ्नुहोस् : एमाले फुटले अस्पतालमा पनि तनाव : राजनीतिक प्रतिशोध साध्न मेसुलाई कालोमोसो

एमाले निकट विद्यार्थी संगठनका व्यक्तिहरुको समूहले शुक्रबार दिउँसो राप्ती प्रादेशिक अस्पतालका मेसु विनोद सिंहलाई उहाँकै कार्यकक्षमा पुगेर कालोमोसो दलेको थियो ।