शिक्षण अस्पतालमा ब्लाक फंगसका २ संक्रमितको गरियो शल्यक्रिया
हेल्थपाटी - जेष्ठ २०, २०७८ ०८:५१ मा प्रकाशित
अ +
अ -
काठमाडौं । त्रिवि शिक्षण अस्पताल महाराजगञ्जमा ब्लाक फंगस वा कालो ढुसी (म्यूकोमाइकोसिस) का २ जना बिरामीको शल्यक्रिया गरिएको छ । शिक्षण अस्पतालमा १० दिनको अवधिमा ब्लाक फंगसको समस्या देखिएका २ कोरोना संक्रमितको शल्यक्रिया गरिएको हो ।
इएनटी टिमले ६५ वर्षका वृद्ध र ४० वर्षका युवाको शल्यक्रिया गरेको हो । सो अस्पतालमा ३ जना ब्लाक फंगसको बिरामी उपचाररत छन् । अर्का एकजनाको अपरेशनको तयारी भइरहेको छ ।
ब्लाक फंगस दुर्लभ समस्या रहेको र यसको उपचार नेपालमै सम्भव रहेको नाक कान घाटी रोग विशेषज्ञ डा. योगेश न्यौपानेले जानकारी दिनुभयो ।
रोग प्रतिरक्षा शक्ति कमजोर भएका जुनसुकै व्यक्तिलाई ब्लाक फंगसको समस्या देखिनसक्ने भएकाले यसबाट जोगिन सरसफाईमा ध्यान दिनुका साथै डाक्टरको परामर्श विना अनावश्यक औषधि नखान उहाँले सबैलाई सुझाव दिनुभयो ।
तपाईँको अभिमत