कोरोनाबाट १ लाख १५ हजार स्वास्थ्यकर्मीको ज्यान गयाे, दश लाखबढी संक्रमित : डब्ल्यूएचओ
काठमाडौं । विश्व स्वास्थ्य संगठन (डब्ल्यूएचओ)ले कोरोना भाइरस संक्रमणका कारण हालसम्म कम्तिमा १ लाख १५ हजार स्वास्थ्यकर्मी गुमाउन परेको जनाएको छ ।
जुलाई १काे नियमित मिडिया ब्रिफिङमा डब्ल्यूएचओका प्रमुख डा. टेड्रोस अधानोमले १८ महिनादेखि कोरोना महामारीको लडाइँमा अग्रपंक्तिमा रहेर स्वास्थ्यकर्मीहरु अहोरात्र खटिरहेको बताउँदै संक्रमितको उपचारदेखि कोरोना रोकथाम तथा नियन्त्रणको व्यवस्थापनसम्म लाग्दै गर्दा संक्रमणका कारण विश्वभर १ लाख १५ हजार स्वास्थ्यकर्मीको मृत्यु भएको जानकारी दिनुभयो ।
उहाँका अनुसार दश लाखभन्दा बढी स्वास्थ्यकर्मी संक्रमित भएका छन् । सन् २०२१ लाई स्वास्थ्य तथा स्याहारकर्मीको अन्तराष्ट्रिय वर्षका रुपमा मनाइदै गर्दा उहाँले स्वास्थ्यकर्मीहरुले अझै यो भन्दाबढी सेवा गर्नसक्ने र यसका लागि लैंगिक असमानताको मुद्धालाई प्राथमिकताका साथ राख्नुपर्नेमा जोड दिनुभयो ।
टेड्रोसले भन्नुभयो, ‘विश्वभर रहेका कुल स्वास्थ्यकर्मीहरुकाे ७० प्रतिशत हिस्सा महिला स्वास्थ्यकर्मीहरु छन्, जसमा करीब ९० प्रतिशत नर्स तथा मिडवाइफ र ५० प्रतिशत फिजिसियन रहेका छन् । यो तथ्यांकले प्रस्टै देखाउँछ कि विश्व स्वास्थ्य र हेरचाह महिला स्वास्थ्यकर्मीकै भरमा छ ‘यसले हाम्रो कार्यक्षेत्र र अवस्थाको मागलाई दर्शाउँछ ताकी महिला स्वास्थ्यकर्मीलाई हामीले कति सम्मान र महत्व दियौं ।’
महिला स्वास्थ्यकर्मीलाई समान सुविधा र महत्व दिनुपर्नेमा केन्द्रित हुँदै कार्यस्थलमा महिलाको सुरक्षा दिदैं उनीहरुमाथी हुने भेदभाव र हिंसालाई रोक्न सबै एकजुट हुन टेड्रोसले सबैलाई आव्हान गर्नुभयो ।
तपाईँको अभिमत