स्वरुप बद्लिएको कोरोनाको खोप ६ हप्ताभित्र बन्ने

काठमाडौं । कोरोना भाइरसको नयाँ स्ट्रेन (परिवर्तित रुप)ले पुरै विश्वलाई तर्सित बनाएको छ । केही देशहरुले आफनो सिमा सिल गर्न सुरु गरिसकेका छन् ।

नेपालले बेलायतबाट हुने यात्रामा रोक लगाएको छ भने भारतमा पनि कोरोना भाइरसको नयाँ खतरालाई रोक्ने रणनीति तयार गर्दैछ । यसैक्रममा बायोएनटेक कम्पनीले कोरोना भाइरसको नयाँ प्रकारलाई अन्त्य गर्न सक्ने खोप बनाउने घोषणा गरेको छ । 

बायोएनटेक कम्पनीले ६ हप्ताभित्र यो खोप बनाउने दाबी गरेको छ । यद्यपी बायोएनटेकले कति डोज खोप बनाउने त्यो खुलाएको छैन । अहिले कोरोना भाइरसले रुप फेरिरहेको सन्दर्भमा हाल निर्माणाधिन खोपले काम गर्छ कि गर्दैन भन्ने जिज्ञासा सर्वसाधरणमा छ ।

विशेषज्ञहरु हालको खोप बदिलएको कोरोनासँग लड्न सक्ने क्षमताको रहेको बताउछन् । सीएसआइआरका निर्देशक डा.शेखर मैंडेले शरीरमा उत्पन्न हुने एन्टीबडी पुरै भाइरसको विरुद्ध हुने भएकाले निर्माणाधिन खोप परिवर्तित भाइरसविरुद्ध पनि प्रभावकारी रहको बताउनुभयो ।