यही गतिमा संक्रमित थपिए अस्पतालले थेग्न सक्दैन : स्वास्थ्य मन्त्रालय
अ +
अ -
काठमाडौं । आज नेपालमा अहिलेसम्मकै धेरै संख्यामा संक्रमित थपिए । १४ हजार २०९ जनाको पीसीआर परीक्षण गर्दा ३ हजार ४३९ जनालाई कोरोना पुष्टि भयो । दिनहुँ संक्रमितको संख्या बढिरहेको छ । अस्पतालमा बेड खाली छैन ।
धेरै संख्यामा संक्रमित देखिन थालेपछि स्वास्थ्य तथा जनसंख्या मन्त्रालयले यही गतिमा संक्रमित थपिए अब अस्पतालले भार थेग्न नसक्ने बताएको छ । मन्त्रालयका प्रवक्ता प्रा.डा.जागेश्वर गौतमले अस्पतालहरुमा बेड अभाव हुन थालिसकेकाले अब पनि यस्तै दरमा संक्रमित देखिए उपचार व्यवस्थापनमा ठूलो चुनौती थपिने बताउनुभयो ।
उहाँले जनस्वास्थ्यका मापदण्ड पालना गरे रोग नै नलाग्ने भन्दै सावधानी अपनाउन सबैलाई आग्रह गर्नुभयो ।
तपाईँको अभिमत